Pájina aktualizada iha 12:49h, tersa-feira 22 Outubru

ONG timoroan sira prepara programa komplementar ba tinan 20 referendu nian

14 de Agosto de 2019, 22:18

Organizasaun timoroan sira ne'ebé la'ós governu nian prepara hela asaun oioin iha ámbitu hosi tinan 20 hosi referendu indepedénsia Timor-Leste nian, ne'ebé haree liuliu ba promosaun justisa sosial ho renova solidariedade internasional, anunsia iha loron-kuarta ne'e.


Berta Antonieta, hosi organizasaun La’o Hamutuk, promotora prinsipal ida hosi eventu, esplika ona ba Lusa katak la'ós kompete ho eventu ofisial sira ne'ebé Governu organiza maibé atu "komplementa" ajenda ho akontesimentu sira ne'ebé la hanesan.

Nia hatete katak hanesan rekoñese knaar hosi solidariedade internasional ho Timor-Leste ne'ebé kontribui ona ba independénsia nasaun nian no, iha tempu hanesan, bolu atensaun ba problema balun ne'ebé sei senti nafatin.

"Ami konsege ona ami nia direitu soberanu sira, iha tinan 20 liubá, no agora ho fronteira tasi nian. Maibé loron-loron ema sira sei laiha nafatin asesu ba bee-moos, ba saúde ho ba edukasaun bázika, ba nutrisaun ne'ebé adekuadu", nia hatete.

"Ami lakohi kompete ho eventu sira Governu nian, ami hakarak komplementa de'it saida maka Governu halo daudaun. Bainhira iha eventu barak di'ak liu, aposta iha selebrasaun ida povu nian no sosiedade sivil nian", nia esplika.

Ho tema "fortalese solidariedade ba autodeterminasaun ho justisa sosial", eventu sira organiza daudaun hosi Komité Popular ba Tinan 20 Konsulta Popular nian ne'ebé inklui, aleinde La'o Hamutuk, Fongtil (Fórum hosi ONG Timor-Leste nian) ho Justice Sistem Monitoring Program (JSMP).

Partisipa mós Asosiasaun HAK, FOKUPERS, KSI, ACbit, OXFAM, Grupu Feminista ho Movimento das Letras.

"Iha tinan 20 liubá, ho imi nia ajuda, povu Timor-Leste nian vota barak ona hodi hetan ami nia independénsia. Agora ami hanesan nasaun orgullozu ida, demokrátiku ho soberanu, luta ho problema polítiku sira, ekonómiku sira, sosial sira ho ambiental sira ne'ebé ema sira iha mundu tomak hasoru", refere hosi deklarasaun ida hosi organizador sira.

Programa inklui konferénsia internasional ida, espozisaun ida ho eventu sira seluk - inklui marxa ida iha estrada sira Díli nian - hodi selebra aniversáriu referendu nian ne'ebé maka ema timoroan sira vota ona ba independénsia.

"Ami hakarak fó enerjia fon ba espíritu solidariedade nian, troka estratéjia sira ho kolega ativista sira hodi dezafia governu sira ne'ebé maka reprimi nia povu, fortalese rede sira hodi luta hasoru impunidade ho reforsa advokasia global hodi garanti atu governu sira respeita ho kumpri direitu humanu báziku ba ema tomak, liuliu ba sira ne'ebé fraku liu", refere hosi deklarasaun.

"Ami sei destaka autodeterminasaun ba povu hosi Papua Osidental ho Saara Osidental no hosi Palestina", subliña hodi nota katak sei fahe mós esperiénsia sira kona-ba área petróleu nian iha Timor-Leste.

Lusa

 


Comentários

Critério de publicação de comentários