Pájina aktualizada iha 12:49h, tersa-feira 22 Outubru

Governu hadi'a iluminasaun ho hamoos jardin sira antes tinan 20 referendu nian

14 de Agosto de 2019, 22:46

Ekipa sira hosi Ministériu Obra Públika ho munisípiu Díli nian, iha semana hirak ikus ne'e, hadi'a kandeiru sira, hamoos jardin sira ho estrada sira no halo reparasaun ki'ik sira iha preparativu sira ba tinan 20 hosi referendu timoroan nian.


Intervensaun sira halo parte iha zona prinsipal tomak iha sidade, dezde resintu Tasi Tolu - ne'ebé sei hala'o serimónia ofisial sira hosi aniversáriu konsulta nian iha momentu ne'ebé ema timoroan sira hili independénsia -, oeste, to'o zona Cristo Rei iha parte leste.

Tasi Tolu agora daudaun konsentra parte boot hosi atensaun sira, ho ekipa sira serbisu iha instalasaun hosi estrutura sira no palku ne'ebé sei simu momentu kultural sira ho momentu solene sira hosi komemorasaun sira tinan 20 referendu nian.

Iha nível ofisial, sei iha konfirmasaun oituan hosi partisipasaun sira hosi delegasaun internasional sira, hein vizita hosi prezidente Asembleia Repúblika portugeza nian, Eduardo Ferro Rodrigues, no hosi primeiru-ministru australianu Scott Morrison.

Sei iha dúvida eventual vizita hosi Prezidente indonéziu, Joko Widodo.

Sei hein mós vizita hosi personalidade oioin no hosi antigu funsionáriu sira ONU nian, jornalista sira ka elementu sira hosi solidariedade internasional, ho hotel sira anunsia taxa okupasaun sira ne'ebé aas iha loron ikus sira fulan ne'e nian.

Eventu komemorativu sira hala'o daudaun iha munisípiu oioin nasaun nian - no sei kontinua to'o final fulan ne'e, ho espozisaun sira, konkursu sira poezia nian no múzika nian no atividade sira seluk ne'ebé marka mós kalendáriu.

Iha preparasaun ba komemorasaun sira, ekipa sira hosi Eletrisidade Timor-Leste (EDTL) nian serbisu nafatin iha rekuperasaun hosi iluminasaun kalan nian, hadi'a ka troka lámpada sira iha kandeiru sira ne'ebé, iha kazu balun, la funsiona durante tinan barak nia laran.

Salvador Soares, ministru Obra Públika, esplika ona katak intervensaun halo parte iha estrada prinsipal sira no mós iha iluminasaun sira iha jardin sira, hodi apela ba populasaun hodi labele estraga kandeiru sira.

Serbisu sira halo mós iha intervensaun oioin iha rede elétriku hodi hamenus problema sira ne'ebé, iha fatin balun, kontinua mate nafatin iha oras pontual iha fornesimentu elétriku iha sidade.

Iha tempu hanesan iha mós reforsu ida iha asaun sira hamoos estrada sira ho tasi-ibun sira no iha limpeza no hadi'a jardin sira ho fatin públiku sira seluk.

Obra sira ne'ebé halo iha besik ponte foun ne'ebé atravesa mota Bidau-Sant’Ana ne'ebé sei inaugura iha loron 20 no sei uza naran hosi Eis-Prezidente indonéziu B. J. Habibie, ne'ebé iha fulan-Janeiru 1999 autoriza ona realizasaun hosi referendu ba ema timoroan sira.

Eskolla hosi Habibie nia naran la'ós hanesan konsensual, ho krítika sira tanba hili naran hosi líder ida hosi nasaun ne'ebé okupa ona Timor-Leste durante tinan 24 nia laran no ne'ebé governa ona durante momentu violénsia antes ho hafoin referendu 1999 nian.

Zona intervensaun seluk maka iha Portu Díli nia oin, iha Jardin 05 Maiu - loron ne'ebé maka asina akordu entre Portugal ho Indonézia, ho patrosíniu hosi ONU, no ne'ebé permiti ona referendu iha tinan 20 liubá.

Iha antesipasaun hosi aniversáriu konsulta nian, ajénsia notísia timoroan nian, Tatoli, ho rádiu no televizaun públika, RTTL, aumenta maka'as nia kobertura hosi eventu relasionadu sira, inklui selebrasaun sira ne'ebé la halo iha Díli.

Lusa

 


Comentários

Critério de publicação de comentários