Pájina aktualizada iha 01:42h, domingu 23 Setembru

Xina hakarak ajuda moderniza ezérsitu Timor-Leste

16 de Agosto de 2019, 18:01

Xina iha disponibilidade hodi ajuda moderniza Forsa Defeza sira Timor-Leste nian, garanti hosi embaixador xinés iha Díli, hafoin fó material lojístiku ba ezérsitu timoroan.


Tuir komunikadu ida, embaixador Xiao Jianguo hatete katak material sei kontribui hodi reforsa kapasidade hosi ezérsitu timoroan no hadi'a kondisaun sira moris nian hosi ofisial sira ho soldadu sira nian.

Deklasaun sira hosi diplomata ne'e halo iha serimónia ida ne'ebé halo iha loron-kuarta iha kuartel-jeneral Falintil nian.

Nota, ne'ebé publika iha pájina embaixada Xina nian iha Timor-Leste, la refere modelu ho folin hosi material sira ne'ebé maka fó.

Xiao Jianguo hatutan katak koperasaun iha área defeza hanesan parte importante ida hosi relasaun entre nasaun rua no ne'ebé maka Xina iha disponibilidade "iha nia posibilidade sira" hodi ajuda moderniza Falintil.

Iha okaziaun hanesan, Ministru Defeza Timor-Leste nian, Filomeno Paixão, hatete katak modernizasaun Falintil nian hanesan prioridade ida ba dezenvolvimentu nasaun nian, indika hosi komunikadu hanesan.

Filomeno Paixão hatudu esperansa iha reforsu futuru ida hosi koperasaun ho Xina iha área defeza nian, dezeju ne'ebé maka fahe mós hosi xefe Estadu-Maior Jeneral hosi Forsa Armada, Lere Anan Timur.

Lusa

 


Comentários

Critério de publicação de comentários