Pájina aktualizada iha 01:42h, domingu 23 Setembru

Prezidente promulga mudansa ba lei hosi rejiaun enklave Oecusse nian

16 de Agosto de 2019, 18:27

Prezidente Repúblika promulga ona, iha loron-kinta ne'e, konjuntu ida hosi mudansa sira ba lei hosi Rejiaun Administrativu Espesial Oecusse-Ambeno (RAEOA) nian, liutiha loron ida hafoin Tribunal Rekursu konfirma katak hanesan konstitusional.


Fonte hosi Prezidénsia konfirma ona katak Francisco Guterres Lu-Olo promulga ona mudansa ba lei 3/2014 ne'ebé refere ba kriasaun hosi RAEOA no ne'ebé maka aprova ona hosi maioria iha parlamentu, ho protestu hosi partidu prinsipal opozisaun nian.

Promulgasaun hosi mudansa implika atu xefe Estadu, ne'ebé to'o agora fó pose ba prezidente RAEOA nian, la envolve iha prosesu, ho responsável rejional agora nomeia de'it hosi Governu.

Desizaun hosi Francisco Guterres Lu-Olo mosu hafoin Tribunal Rekursu hasai desizaun hodi "la julga inkonstitusional" ba mudansa sira iha lei, hodi hatán ba pedidu fiskalizasaun hosi konstitusionalidade ne'ebé maka husu hosi xefe Estadu.

Emenda determina katak prezidente RAEOA nian agora "nomeia hosi Governu, liuhosi rezolusaun, ba mandatu ida tinan lima nian, renova dala ida de'it".

Iha espozisaun hosi motivu sira, bankada sira justifika emenda hodi konsidera katak lei fó ba Governu enkargu kona-ba órgaun rejional sira, maibé "nomeasaun hosi prezidente RAEOA nian no nia exonerasaun, haree hosi impulsu Governu nian, maibé desizaun sira ne'e atribui ba autoridade sira hosi kompeténsia Prezidente Repúblika nian".

Agora daudaun RAEOA lidera hosi prezidente interinu ida, Arsénio Bano, hafoin prezidente dahuluk hosi autoridade rejional nian, Mari Alkatiri, hakotu nia mandatu iha loron 31 Jullu.

Lusa

 


Comentários

Critério de publicação de comentários