Pájina aktualizada iha 01:42h, domingu 23 Setembru

Prezidente Repúblika husu fiskalizasaun ba konstitusionalidade hosi diploma sira hosi tratadu fronteira nian

16 de Agosto de 2019, 18:56

Prezidente Repúblika, iha loron-kinta ne'e, husu ona ba Tribunal Rekursu halo fiskalizasaun preventivu hosi konstitusionalidade hosi parte diploma sira ne'ebé aprovadu iha prosesu ratifikasaun hosi Tratadu Fronteira sira ho Austrália.


Fonte hosi Prezidénsia konfirma ona ba Lusa katak pedidu fiskalizasaun permanente abranje, "pelumenus", ba mudansa sira ne'ebé aprova ona iha Parlamentu Nasional ba lei hosi Fundu Petrolíferu no ba lei hosi atividade petrolíferu sira no katak pedidu tama ona durante loron-kinta loraik iha instánsia judisial importante liu iha Timor-Leste.

Iha final fulan-Jullu, Francisco Guterres Lu-Olo simu ona konjuntu ida hosi dekretu sira ne'ebé aprova hosi Governu no proposta oioin ba lei sira ne'ebé aprova iha parlamentu iha ámbitu hosi prosesu ratifikasaun hosi tratadu fronteira sira ho Austrália.

Previzaun hosi Governu maka bele konkretiza troka nota sira ne'ebé marka inísiu hosi tratadu ne'e iha loron 30 Agostu.

Enviu hosi pedidu fiskalizasaun preventivu ba konstitusionalidade ne'e bele hamosu susar ba posibilidade hodi kumpri kalendáriu ne'e.

Austrália konklui ona nia prosesu ratifikasaun hosi tratadu no, bainhira avansa, troka nota ne'e sei halo ho primeiru-ministru australianu Scott Morrison ne'ebé nia prezensa hein hela iha komemorasaun ofisial sira ba tinan 20 hosi referendu ba ema timoroan sira, ne'ebé akontese iha loron 30 Agostu.

Iha kazu timoroan nian, Parlamentu Nasional haruka ona ba Prezidente konjuntu ida hosi proposta haat lei nian, entre sira maka emenda sira ba Lei hosi Fundu Petrolíferu no ba Lei hosi Atividade Petrolíferu sira ne'ebé, iha nível formal la presiza ba ratifikasaun tratadu nian.

Lei rua seluk, importante hodi bele hahú hala'o, maka mudansa ba lei tributáriu ho ba rejimi laboral.

Importante mós maka konjuntu ida hosi dekretu sira ne'ebé Governu aprova, haruka ona ba Lu-Olo no ne'ebé "sei analiza hela", haktuir hosi fonte Prezidénsia nian.

Tribunal Rekursu sei notifika, karik iha loron-sesta ne'e, Parlamentu Nasional ba pedidu fiskalizasaun nian ne'ebé órgaun lejislativu ne'e tenki pronunsia.

Tratadu ne'e mosu hosi prosesu konsiliasaun obrigatóriu ida ne'ebé hahú hosi Timor-Leste iha loron 11 Abril 2016, iha ámbitu hosi Konvensaun ONU nian kona-ba Direitu Tasi nian (CNUDM), no konklui ho asinatura hosi dokumentu iha 06 Marsu 2018 iha Nova Iorke.

Prosesu permiti ona "hetan solusaun global negosiadu ida ba konflitu kona-ba definisaun permanente hosi fronteira tasi sira", ne'ebé inklui "konkordánsia kona-ba ligasaun ne'ebé susar hodi rezolve entre definisaun hosi fronteira tasi sira ho kriasaun hosi rejimi espesial ba kampu (petrolíferu sira) hosi Greater Sunrise”.

Lusa

 


Comentários

Critério de publicação de comentários