Pájina aktualizada iha 01:42h, domingu 23 Setembru

Lu-Olo hatete katak emenda sira ba lei petrolíferu la proteje fundu petrolíferu

16 de Agosto de 2019, 19:40

Prezidente Repúblika konsidera katak mudansa sira ba lei sira hosi fundu petrolíferu no hosi atividade petrolíferu sira hanesan inkonstitusional tanba la proteje fundu no la kumpri ho di'ak regra orsamental sira.


Opiniaun hosi Francisco Guterres Lu-Olo fó sai iha dokumentu sira ne'ebé nia haruka ona ba Tribunal Rekursu hodi husu fiskalizasaun preventivu hosi konstitusionalidade ba proposta rua ne'ebé aprova iha Parlamentu no ne'ebé book iha lei sira ne'e.

Prezidente hosi Tribunal Rekursu, Deolindo dos Santos, notifika ona Parlamentu Nasional iha loron-sesta ne'e kona-ba pedidu fiskalizasaun preventivu ne'ebé haruka hosi Prezidente Repúblika, iha loron-kinta, ba órgaun justisa importante liu iha nasaun.

Parlamentu Nasional iha loron lima hodi hatán kona-ba rekerimentu sira hosi Francisco Guterres Lu-Olo, ne'ebé fó ba tribunal "loron 20" hodi ko'alia kona-ba inkonstitusionalidade hosi emenda sira, haktuir hosi notifikasaun sira ne'ebé maka Lusa iha asesu.

Iha meza Prezidente nian iha mós elementu importante sira ba tratadu rasik, ne'ebé maka ratifika ona iha parlamentu, maibé eziji konjuntu ida hosi mudansa lejislativu sira hodi adapta ba lei sira ne'ebé iha ona ba realidade foun iha Tasi Timor nian.

Pakote ne'e inklui mudansa nesesáriu sira ba lei tributáriu ho laboral nasaun nian - hodi adapta ba espesifisidade sira hosi serbisu sira iha plataforma sira ne'ebé agora halo parte eksluzivu iha bee timoroan sira nian - no dekretu oioin ne'ebé relasionadu ho kontratu sira esplorasaun nian ne'ebé hala'o hela.

Dokumentu sira ne'e - ne'ebé hala'o ho entrada inisial hosi tratadu - hanesan importante hodi nune'e bele formaliza, hanesan previstu, troka nota sira kona-ba tratadu entre Governu australianu ho Governu timoroan, iha loron 30 Agostu iha Díli.

Fonte jurídiku sira Governu nian esplika ona ba Lusa katak lei rua ne'ebé nia konstitusionalidade kestionadu hanesan ka importante hodi konklui prosesu ratifikasaun no subsekuente troka nota sira.

Ne'e implika atu troka nota sira sei bele halo iha loron 30 Agostu bainhira Prezidente desidi, antes ne'e, promulga pakote sira seluk hosi diploma sira ne'ebé iha ligasaun ba tratadu.

Rekerimentu sira, ida tuir lei ida-idak, detalladu ona iha pájina sanulu resin ne'ebé maka xefe Estadu kestiona aspetu oioin hosi mudansa sira ne'ebé aprovadu.

Iha kazu hosi Lei Fundu Petrolíferu nian, Lu-Olo refere iha konkretu ba kestaun tolu, ne'ebé justifika nia argumentu kona-ba nia inkonstitusionalidade.

Tuir Lu-Olo, emenda sira kria klase ida hosi ativu espesial - Operasaun Petrolíferu sira - ne'ebé la asegura retornu ba fundu no ne'ebé permiti asede ba finansiamentu diretu "ho antesipasaun no iha valor sira ho kondisaun sira ne'ebé la ekilibradu no la justu" hasoru investimentu p´publiku seluk ida.

Nune'e, Lu-Olo sujere, "la koresponde ba interese nasional", tanba bainhira hasai investimentu ne'e hosi regra sira hosi Orsamentu Jeral Estadu nian, afeta kapasidade tomak hosi investimentu hosi fundu rasik "ho dalan prudente, efisiente no rentável iha ativu finanseiru sira ka hosi likidez ne'ebé aas".

Xefe Estadu konsidera mós katak mudansa sira hanesan kontráriu ho dever konstitusional hosi "manutensaun ba rezerva finanseiru obrigatóriu ida, hahú hosi rekursu natural sira, ne'ebé maka Fundu Petrolíferu hanesan nia densifikasaun no konkretizasaun úniku".

Lu-Olo konsidera katak "envezde proteje kontinuasaun ho sustentabilidade finanseiru hosi Fundu Petrolíferu, hanesan fundu soberanu úniku ne'ebé maka Timor-Leste iha", parlamentu lejisla ona iha sentidu kontráriu, hamosu risku ba fonte úniku hosi reseita signifikativu ne'ebé iha.

Ikusmai, xefe Estadu konsidera katak klase ativu sira ne'ebé kria hosi emenda sira la kumpri regra sira hosi "obrigatoriedade konstitusional hosi espesifikasaun hosi reseita sira ho despeza públika sira, inklui hosi investimentu públiku ba dezenvolvimentu".

Iha kazu hosi Lei Atividade Petrolíferu, Lu-Olo konsidera inskonstitusional katak emende admiti utilizasaun ida hosi rendimentu sira Fundu nian ne'ebé "la justu no la igualitáriu" no repete argumentu kona-ba la manutensaun ho protesaun hosi rezerva ne'ebé konstitui fundu no kona-ba la kumpri obrigatoriedade hosi espesifikasaun reseita sira nian no despeza públiku sira nian.

Lusa

 


Comentários

Critério de publicação de comentários