Pájina aktualizada iha 01:50h, domingu 23 Setembru

Prezidente indonézia sujere mudansa kapital nasaun nian ba Kalimantan Oriental

16 de Agosto de 2019, 21:54

Prezidente indonéziu, Joko Widodo, sujere formalmente iha loron-sesta ne'e mudansa kapital arkipélagu nian hosi Jakarta ba Kalimantan tanba taxa demográfiku ne'ebé aas ho problema sira ne'ebé relasionadu ho afundamentu hosi rai sira.


Xefe Estadu husu ona apoiu ba deputadu sira kona-ba asuntu, durante diskursu ida ne'ebé akontese iha Parlamentu iha ámbitu hosi selebrasaun sira tinan 74 independénsia nian ne'ebé asinala iha loron-sábadu.

Widodo husu "apoiu formal" ba deputadu sira "hodi muda kapital nasional (Jakarta) ba Kalimantan", naran indonéziu hosi illa ne'ebé maka nasaun ne'e fahe ho Malázia no reinu Bornéiu nian.

"Kapital la'ós de'it símbolu ida hosi identidade nasional maibé mós hanesan reprezentasaun hosi progresu nasaun nian", hatete hosi xefe Estadu durante diskursu ne'ebé maka transmiti ona hosi televizaun hodi subliña katak desizaun bele ajuda alkansa mós objetivu sira hosi "igualdade ekonómiku".

Widodo la espesifika fatin loloos iha illa Kalimantan ne'ebé maka nia hakarak hodi muda kapital Repúblika Indonézia nian no la adianta loron ida hodi hahú prosesu maski governu defende antes ona katak faze dahuluk mudansa nian tenki hahú iha tinan 2024.

Iha Maiu, prezidente vizita ona parte indonéziu hosi illa no sidade oioin ne'ebé sai hanesan kandidatu hosi simu kapital foun, entre sira maka zona ne'ebé koñesidu hanesan Bukit Soeharto, situa iha kilómetru 40 hosi kapital provinsial Kalimantan Oriental nian, Balikpapan.

Xefe Estadu promete ona to'o finan tinan ne'e hodi fó sai naran hosi kapital administrativu foun nasaun nian, no Jakarta, iha illa Java, sei kontinua hanesan sentru finanseiru ho emprezarial Indonézia nian.

Iha zona metropolitanu Jakarta moris populasaun hamutuk millaun 30 resin ne'ebé hela hanesan mós iha sidade satélit sira ne'ebé haleu kapital ida ne'ebé iha liu poluisaun iha mundu ne'ebé, hanesan ezemplu, problema sira tránzitu karreta nian hamosu prejuízu maka'as ba Estadu.

Tanba udan boot no tanba extrasaun bee iha rai okos, inundasaun sira hamosu afundamentu perigozu sira ba rai liuliu iha norte Jakarta nian.

Proposta kona-ba mudansa kapital nian hakarak ajuda mós "redistribuisaun rikusoin iha arkipélagu" ne'ebé konsentrasaun populasaun maioria situa iha illa sira Java ho Sumatra, no iha illa sira seluk hanesan Kalimantan ladún dezenvolvidu.

Planu sira mudansa kapital nian konsidera nafatin hosi governu oioin Indonézia nian dezde mandatu hosi Sukarno nian ne'ebé governa ona Repúblika Indonézia entre tinan 1945 no 1967.

Lusa

 


Comentários

Critério de publicação de comentários