Pájina aktualizada iha 21:57h, kuarta-feira 20 Novembru

Timor-Leste/Tinan 20: Selebrasaun sira evoka símbolu sira libertasaun nian

01 de Setembro de 2019, 17:30

Knananuk ne'ebé marka ona momentu sira hosi luta Timor-Leste nian ba independénsia, inklui tema 'Timor', kanta hosi Luis Represas, ho foku sira telemóvel nian simboliza lilin sira, marka ona serimónia ofisial sira tinan 20 hosi referendu 1999 nian iha loron-sesta ne'e.


Kór muzikal ho dansa tradisional sira hanesan tónika lúdika iha serimónia ida ne'ebé halo homenajen ona ba ema barak ne'ebé luta hodi Timor-Leste sai independente no rona ona mensajen badak ida hosi sekretáriu-jeral ONU nian, António Guterres.

Iha nia mensajen, portugés, ne'ebé iha momentu ne'ebá nu'udar primeiru-ministru, hatudu orgullu hosi nia knaar no rekorda ona katak "Timor inspira ona mundu" no hatudu importánsia hosi multilateralizmu.

Serimónia sira ne'ebé halo iha resintu Tasi Tolu - ne'ebé nia naran mosu hosi bee-lihun masin tolu hosi zona - no ne'ebé maka simu beibeik momentu balun ne'ebé markante iha dékada hirak ikus ne'e.

Iha fatin ne'e maka líder barak ne'ebé ohin loron kontinua ativu, maski iha knaar sira ne'ebé la hanesan, sai ona hanesan sasin, iha loron 20 Maiu 2002, no ba iha líder sira hosi mundu interior, ba momentu hasa'e bandeira ne'ebé marka ona restaurasaun hosi independénsia Timor-Leste nian.

Ohin loron palku sira, estrutura sira, hanesan sai metin liu duké iha momentu ne'ebá, ho ema atus resin envolve hodi tenta hamenus problema sira ne'ebé asosiadu hodi jere 'festa' ho VIP hosi mundu interior.

Domina iha resintu no hateke ba palku ho públiku, tenta boot tolu, dekora ho hena naruk sira ho kór hosi bandeira nasional sira - mean, metan, amarelu ho mutin - ne'ebé konvidadu sira hamutuk, barak fila ba Timor-Leste hafoin auzénsia naruk ida.

Tenda ida-idak reprezenta pilar sira ne'ebé la hanesan hosi luta hasoru okupasaun indonéziu.

Iha sentru, tenda luxu liu iha dekorasaun no iha sofá ho kór nakukun, iha tenda VIP nian, Lafaek, hodi hanoin mitu kriasionista nasaun nian no rekorda mistisizmu ne'ebé maka fó ona korajen ba luta no ne'ebé sei kontinua nafatin iha ohin loron.

Iha parte liman-loos, besik liu ba estátua João Paulo II - iha fulan-Outubru selebra tinan 30 maka papa ne'e vizita fatin hanesan, iha momentu hosi signifikadu maka'as ba relasaun entre igreja ho populasaun - iha tenta Loriku nian.

Loriku sira reprezenta juventude nasaun nian - 70% hosi populasaun seidauk to'o tinan 25 - maibé mós rekorda rede klandestina importante, interna ho esterna, ne'ebé ajuda ona fó koñese ba mundu, ho apoiu hosi rede diplomátika, luta simbolizadu hosi frente armadu.

Iha parte seluk hosi tenda VIP nian iha "Rusa Fuik" ne'ebé iha karga adisional ida hosi simbolizmu ne'ebé uza hanesan espresaun pozitivu hodi ko'alia kona-ba ema sira ne'ebé aten-barani.

Ekipa boot ida ne'ebé lidera hosi Xanana Gusmão - ne'ebé pasa kalan barak iha fatin ne'e iha semana ne'e - maka prepara ona, to'o minutu ikus, lojístika envolvente tomak.

Hafoin ne'e maka Prezidente Repúblika halo diskursu ho fó Orden Timor-Leste nian ba ema na'in 16 - na'in rua konfere ona iha tinan liubá maibé seidauk simu kondekorasaun -, órgaun soberania rua hosi "nasaun belun sira" ho organizasaun ida.

Entre kondekoradu sira iha mós delegadu hosi Ajénsia Lusa iha nasaun no Asembleia Repúblika portugeza, ne'ebé reprezenta hosi nia prezidente Eduardo Ferro Rodrigues, ne'ebé maka vizita Timor-Leste hodi reprezenta Estadu portugés.

Lusa

 


Comentários

Critério de publicação de comentários