Pájina aktualizada iha 21:57h, kuarta-feira 20 Novembru

Timor-Leste/Tinan 20: Marcelo Rebelo de Sousa destaka knaar Portugal nian

01 de Setembro de 2019, 19:43

Iha loron-sesta ne'e, Prezidente Repúblika Portugeza, Marcelo Rebelo de Sousa, destaka ona knaar Portugal nian hamutuk ho povu timoroan iha luta ba autodeterminasaun, liutiha tinan 20 hafoin referendu ne'ebé maka lori independénsia nasaun nian.


Iha mensajen ne'ebé publika iha loron-sesta ne'e iha 'site' hosi Prezidénsia Repúblika nian, Marcelo Rebelo de Sousa hatete katak "Portugal hamutuk nafatin ho povu timoroan iha esforsu maka'as ne'e, iha empeñu ba kauza ida ne'ebé ema balun hatete hanesan lakon maibé persisténsia maka'as ho esperansa hamosu susesu maka'as".

Xefe Estadu portugés husik ona liafuan ida "rekoñesimentu maka'as" nian ba ema tomak ne'ebé iha Portugal ajuda ona povu timoroan iha sira nia luta ba independénsia.

"Ba ita nia dirijente polítiku sira, ba ita nia diplomata sira, ba ita nia organizasaun sira hosi sosiedade sivil no, liuliu, ba povu portugés tomak, ne'ebé hamriik ho lian ida de'it hodi kondena masakre Santa Cruz, hato'o liafuan ida rekoñesimentu maka'as nian", Marcelo Rebelo de Sousa justifika.

Iha tinan 20 liubá, povu timoroan hatudu ona iha referendu ba independénsia hosi nia nasaun.

"Referendu tinan 1999 reprezenta ona pontu aas hosi dékada sira luta nian hosi povu timoroan ba nia independénsia, ba nia liberdade, ba ezersísiu hosi direitu ba autodeterminasaun ne'ebé konsagra hosi ONU", hatutan mós hosi Prezidente Repúblika portugés iha nia mensajen.

Hodi hatutan mós katak Prezidente hosi Asembleia Repúblika, Eduardo Ferro Rodrigues, ne'ebé reprezenta prezidente portugés iha serimónia komemorativu sira hosi tinan 20 hosi referendu ba independénsia Timor-Leste nian ne'ebé maka akontese iha loron-sesta liubá iha nasaun, "transmiti ba ema timoroan sira ho ba autoridade sira hosi nasaun-irmaun ne'e ha'u nia saudasaun fraternu".

No nia hakotu testu ho "Viva Timor-Leste!" ida.

Lusa

 


Comentários

Critério de publicação de comentários