Pájina aktualizada iha 03:13h, kuarta-feira 21 Novembru

Timor-Leste/Tinan 20: PR rekorda luta ba independénsia no husu esforsu hamutuk ba futuru

01 de Setembro de 2019, 21:31

Prezidente Repúblika rekorda ona iha loron-sesta ne'e momentu prinsipal sira hosi luta ba independénsia Timor-Leste nian, hodi afirma katak kontinua presiza esforsu hamutuk ida hodi harii ho konsolida Estadu.


"Sei iha dalan naruk ida ne'ebé maka tenki hala'o iha konstrusaun ho dezenvolvimentu hosi ita nia demokrasia no ita nia Estadu hodi ita bele garanti katak ita nia povu hatudu no dezenvolve ita nia kultura ho vontade polítika, no kontinua afirma ita nia identidade nasional", afirma hosi Francisco Guterres Lu-Olo.

"Aspirasaun sira sei materializadu bainhira ita bele garanti partisipasaun demokrátiku hosi sidadaun sira ho hetan rezultadu ekonómiku ho sosial sira ne'ebé benefisia ho lori progresu ba ema tomak", nia afirma.

Lu-Olo, ne'ebé ko'alia iha serimónia ofisial sira hosi tinan 20 referendu nian, hatete katak presiza tan esforsu iha área oioin, hahú hosi forsa seguransa sira to'o justisa, hosi desentralizasaun ho reforma administrativu.

No presiza "entendimentu sira ho konsensu sira" hodi hatán ba dezafiu atual sira, hahú hosi aumentu hosi reseita ne'ebé la'ós petróleu nian to'o fortalesimentu ekonomia nian, kombate ba nutrisaun ne'ebé ladi'ak ho igualdade jéneru nian.

Diskursu naruk ida ne'ebé hato'o ba plateia boot ida, inklui líder prinsipal sira nasaun nian, prezidente hosi Asembleia Repúblika portugeza, xefe sira hosi Governu oioin ho ministru sira hosi nasaun oioin, inklui hosi Portugal, Austrália, Vanuatu, Indonézia ho Cabo Verde, no seluk tan.

Entre konvidadu sira iha Ian Martin, reprezentante hosi sekretáriu-jeral ONU nian ho eis-funsionáriu na'in rua seluk ne'ebé akompaña maka'as kestaun Timor-Leste nian, Francesc Vendrell ho Tamrat Samuel.

Enkontru ida iha loron istóriku ida iha "fatin ho signifikadu istóriku maka'as", hodi hanoin hikas asaun hosi ema timoroan sira nian, nia afirma, selebrasaun ida hosi "korajen ne'ebé hatudu hodi ba urna sira ho ba votu ba independénsia" nasaun nian.

"Ne'e hanesan loron ida hodi ita afirma fali korajen ho dedikasaun hosi ita nia povu, no hodi honra memória ho halo homenajen ba ita nia asuwa'in sira. Hanesan ita nia libertasaun", nia hatete.

Rekorda hakat oioin hosi luta ho knaar hosi personalidade sira hanesan Xanana Gusmão ho Ximenes Belo, ka impaktu internasional hosi imajen sira hosi Max Stahl hosi masakre Santa Cruz, iha tinan 1991, Lu-Olo refere ba serbisu hosi rede klandestina ho joven sira hosi Rezisténsia Nasional hosi Estudante sira Timor-Leste nian (Renetil), entre sira maka saudozu Fernando Lasama de Araújo.

Iha diskursu refere mós ba "envolvimentu hosi grupu solidariedade oioin iha nasaun oioin, inklui iha Indonézia", hodi aumenta presaun ne'ebé, hamutuk ho mudansa polítika iha Jakarta, loke odamatan sira ba referendu.

"Ha'u destaka liuliu ba saudozu Kofi Annan, iha momentu ne'ebá nu'udar sekretáriu-jeral ONU nian, ho Portugal, hanesan nasaun administrante. Ha'u rekorda mós nasaun sira lian portugeza nian iha Áfrika, ne'ebé asegura ona retaguarda estratéjiku hosi ita nia luta diplomátika iha luta ba libertasaun nasional", nia afirma.

Esforsu ida hamutuk, iha Timor-Leste laran no iha liur, ne'ebé hamosu akordu 05 Maiu 1999, entre Portugal ho Indonézia ho supervizaun hosi responsável ONU Kofi Annan.

"Hodi povu Timor-Leste nia naran, Prezidente Repúblika foti desizaun ne'e hodi iha públiku agradese ba Portugal, ba Indonézia ho ba ONU tanba esforsu hodi buka dalan ida ne'ebé permiti ona ba ema timoroan sira hodi desidi nia destinu rasik", nia afirma.

No nia destaka ona serbisu hosi personalidade sira iha estranjeiru, entre sira maka José Ramos-Horta ho Mari Alkatiri.

Hafoin ne'e ko'alia kona-ba asuwa'in nasional sira, ba líder sira hosi Frente Revolucionária de Timor-Leste Independente (Fretilin), ne'ebé deklara ona independénsia unilateral iha 28 Novembru 1975 no nia frente armada, Forsa Armada sira hosi Libertasaun Nasional Timor-Leste (Falintil), ne'ebé ikusmai sai hanesan frente armada hosi luta tomak ho agora daudaun hanesan forsa defeza.

Baze hosi apoiu ba luta polítiku-militar ne'ebé ikusmai sai eskola sira hosi sidadania, "ajuda fortalese solidariedade entre ema timoroan sira ho konsolida unidade ho konsiénsia nasionalista".

Hafoin reorganizasaun ho komando hosi Xanana Gusmão, hahú hosi tinan 1981, kriasaun ikusmai hosi organizasaun polítika ne'ebé hakarak sai hanesan reprezentante hosi ema timoroan tomak, Conselho Nacional da Resistência Timorense (CNRT).

Lusa

 


Comentários

Critério de publicação de comentários