Pájina aktualizada iha 01:42h, domingu 23 Setembru

Portugal ho Timor-Leste asina protokolu ba ensinu portugés nian ba dosente timoroan sira

05 de Setembro de 2019, 22:10

Portugal ho Timor-Leste asina iha loron-kinta ne'e protokolu ida ne'ebé marka inísiu hosi projetu foun ida formasaun susesivu iha lian portugeza ba profesor sira hosi ensinu ne'ebé la'ós superior, ho folin ida euro millaun 16,28 to'o tinan 2022.


Protokolu hosi projetu Pró-Portugés asina ona iha loron-kinta ne'e hosi prezidente Camões, Institutu Koperasuan ho Lian, Luis Faro Ramos - ne'ebé halo daudaun vizita iha Timor-Leste - ho ministra Edukasaun, Kultural, Juventude ho Desportu, Dulce Soares.

"Investimentu Portugal nian ho Timor-Leste iha área edukasaun hanesan metin no hamosu rezultadu sira ne'ebé konkretu tebes. Agora ami hahú faze foun ida iha ami nia koperasaun. Reprezenta hakat kualitativu ida ho kuantitativu ba parte seluk", esplika hosi Luis Faro Ramos.

Projetu Pró-Portugés hosi formasaun susesivu ba profesor sira, inklui atividade oioin ne'ebé destinadu ba "konsolidasaun hosi sistema edukativu ho hadi'a kualidade hosi ensinu iha Timor-Leste, liuhosi apoiu hosi área formasaun profisional no susesivu hosi pesoal dosente hosi sistema edukativu hosi ensinu timoroan ne'ebé la'ós superior".

Projetu haree mós ba dezenvolvimentu hosi kompeténsia sira ho profisiénsia iha Lian Portugeza - Nível B2 hosi profesor sira hotu, hosi siklu tomak ensinu nian (Edukasaun Pré-Eskolar, Ensinu Báziku ho Sekundáriu) hosi sistema edukativu hosi ensinu la'ós superior timoroan nian, hosi eskola sira hosi Postu Administrativu hamutuk 65.

Tinan-tinan sei iha "oras 520 formasaun nian ba média ida hosi profesor na'in 4.300", permiti atu "iha prazu tinan tolu nia laran profesor sira hosi sistema edukativu nasional hetan nível B2 hosi profisiénsia linguístiku iha lian portugeza".

Ministra Edukasaun ho Desportu, Dulce Soares, subliña katak aposta hosi "futuru" ne'ebé maka Governu halo daudaun iha sistema edukativu hahú hosi restaurasaun independénsia, hodi hatán ba "dezafiu boot hodi harii fali sistema edukativu".

Konsidera katak formasaun ba profesor sira ho kualidade ida hanesan asaun kompleksu no demora tempu, eziji investimentu maibé mós "mudansa hosi mentalidade ida hosi profesor sira, haree liu ba eskola ho nia alunu sira", nia hatete.

Governante hatete katak projetu ne'e mosu hafoin teste diagnóstiku sira iha tinan 2015 ne'ebé hatudu katak "78% hosi profesor timoroan sira (…) iha koñesimentu ladún maka'as iha lian portugeza, nune'e hamosu susar iha uzu hosi lian portugeza hanesan lian instrusaun nian iha sala aula".

Tanba ne'e, no hodi aselera prosesu formasaun nian, Governu timoroan buka "iha parseiru antigu sira", Camões ho Portugal, hodi kria projetu foun ida ne'ebé sei atua iha nível lokal, "haree de'it iha dezenvolvimentu hosi kompeténsia linguístika sira", hatete hosi Dulce Soares.

"Projetu boot ida ne'ebé iha objetivu boot, aumenta domíniu ho profisiénsia hosi profesor tomak hosi ensinu ne'ebé la'ós superior", nia afirma.

Protokolu ne'ebé asina iha loron-kinta ne'e iha baze iha "estratéjia ida hosi sustentabilidade gradual", asegura hosi kriasaun ho kapasitasaun hosi Bolsa ida hosi Formador timoroan sira iha Lian Portugeza ne'ebé sei permiti, hamutuk ho profesor portugés sira, "implementasaun partilladu ida no organizasaun hosi estrutura timoroan rasik ne'ebé hametin kontinuasaun hosi intervensaun".

Sei implementa ho forma konjunta hosi Camões ho Institutu Nasional hosi Formasaun ba Dosente sira ho Profisional sira Edukasaun nian (INFORDEP), refere hosi protokolu.

Akordu kalkula katak parte boot hosi projetu sei selu hosi Governu timoroan, Camões halo kofinansiamentu ho folin total hamutuk euro millaun 3,34 durante tinan tolu bainhira dura projetu ne'e.

Sei envolve mós iha projetu profesor portugés sira na'in 33 ho kordenador na'in rua ne'ebé sei hamutuk ho formador efetivu timoroan na'in 53 (ho tan suplente na'in 53) ne'ebé hili hosi INFORDEP.

"Hanesan aposta ida ambisiozu tebes hosi Timor-Leste ho Portughal hodi hametin lian portugeza hanesan lian ofisial ensinu nian, hodi permiti aumenta kualidade hosi ensinu báziku ho báziku jeral", afirma hosi Luis Faro Ramos.

Orienta hosi segmentu sira hosi "profisiénsia, profisionalizmu ho profesor sira", projetu aumenta projetu anterior "Formar Mais", ho amplitude jeográfiku ida boot no inklui diretamente dosente sira hosi sistema edukativu timoroan nian, iha lójika ida hosi formasaun kontínua.

Aleinde dedika de'it ba formasaun hosi no ho lian portugeza, Pró-Portugés inklui númeru boot ida ne'ebé nunka akontese hosi formandu sira, inklui ba dala uluk maka uza ensinu hosi dook, ho apoiu hosi teknolojia sira informasaun nian.

Dezde tinan 2000 maka Portugal iha projetu oioin iha área ne'e, ida maka hala'o to'o tinan 2011 hosi "Reintrodusaun ho Konsolidasaun Lian Portugeza nian", hodi haree ba dosente sira no mós ba funsionáriu públiku sira.

Tuir, iha tinan 2012 ho 2014, Projetu Formasaun Inisial ho Kontínua hosi Profesor sira (PFICP), ne'ebé apoia ona rekonstrusaun hosi sistema edukativu Timor-Leste nian ho konsolidasaun hosi Lian Portugeza hanesan lian eskolarizasaun nian.

Projetu sentra mós iha formasaun ho akompañamentu sientífiku ho pedagójiku hosi profesor sira iha implementasaun hosi Kuríkulu foun sira hosi Siklu datoluk hosi Ensinu Báziku, hosi Ensinu Sekundáriu Jeral no hosi Ensinu Sekundáriu Tékniku-Vokasional.

Ikusmai iha tinan 2015 mosu "Formar Mais" ne'ebé hotu iha tinan liubá.

"Hanesan la'ós segredu susesu ne'ebé maka, iha tinan 17 ikus ne'e, hetan hosi Governu susesivu sira Timor-Leste nian iha área Edukasaun. Maibé, ha'u fiar katak ami iha ideia hanesan katak iha nafatin dezafiu boot sira iha futuru, barak maka husu uniaun hosi esforsu sira ba kualidade di'ak ida hosi serbisu sira edukasaun no investimentu iha dezenvolvimentu hosi profesor sira nia kapasidade", Faro Ramos hatete.

Lusa

 


Comentários

Critério de publicação de comentários