Pájina aktualizada iha 01:42h, domingu 23 Setembru

Programa foun hosi ensinu portugés hanesan sinal klaru hosi empeñu timoroan, hatete hosi ministra

05 de Setembro de 2019, 23:35

Ministra Edukasaun, iha loron-kinta ne'e, hatete katak investimentu ne'ebé Governu sei halo, iha projetu ida ho apoiu hosi Portugal hodi hadi'a profisiénsia hosi profesor timoroan sira, hanesan sinal klaru hosi empeñu Timor-Leste nian iha matéria ne'e.


"Ho projetu Pró-Portugés ne'e hanesan sinal katak Timor-Leste iha responsabilidade ho interese hodi investe iha lian portugeza. Ho projetu ne'e, laiha dúvida ruma kona-ba asuntu ne'e. Ami tenki halo no kontinua implementa hodi iha rezultadu di'ak", hatete hosi Dulce Soares ba Lusa.

Governante ko'alia hafoin asina tiha, hodi Timor-Leste nia naran, hamutuk ho Luis Faro Ramos, responsável hosi Institutu Camões, protokolu ida ba programa foun ida ba formasaun kontínua iha lian portugeza hosi profesor sira hosi ensinu la'ós superior, ho folin ida hamutuk euro millaun 16,28 to'o tinan 2022.

Projetu haree mós ba dezenvolvimentu hosi kompeténsia sira ho profisiénsia iha Lian Portugeza - Nível B2 hosi profesor sira hotu, hosi siklu tomak ensinu nian (Edukasaun Pré-Eskolar, Ensinu Báziku ho Sekundáriu) hosi sistema edukativu hosi ensinu la'ós superior timoroan nian, hosi eskola sira hosi Postu Administrativu hamutuk 65.

Akordu kalkula katak parte boot hosi projetu sei selu hosi Governu timoroan, Camões halo kofinansiamentu ho folin total hamutuk euro millaun 3,34 durante tinan tolu bainhira dura projetu ne'e.

Nia hatete katak "projetu ne'e demora tempu balun ba preparasaun. Ami tenta halo avaliasaun esternu ida hodi haree oinsá maka ami bele hadi'a projetu".

"Antes, projetu hanoin ba disiplina sira, maibé Pró-Portugés diriji de'it ba profesor sira lian portugeza nian. Nune'e bele ajuda de'it profesor timoroan sira hodi iha kapasidade iha lian portugeza, bazeia iha rezultadu sira hosi diagnóstiku sira ho avaliasaun hosi projetu", nia afirma.

Hanesan insentivu ba aprendizajen, formasaun agora sei "halo parte haneasn parte ida hosi avaliasaun hosi dezempeñu hosi profesor sira", hodi buka aumenta nune'e aproveitamentu.

Luis Faro Ramos, ne'ebé hahú iha loron-kinta ne'e vizita ida durante loron tolu ba Timor-Leste, hatete ba Lusa katak Pró-Portugés hanesan projetu ida "kompleksu ho ambisiozu maibé liuliu inovador".

Nia afirma katak nia susesu "sei muda kualitativu ho kuantitativu, ba sempre, panorama edukasaun ho profisiénsia iha lian portugeza iha Timor-Leste", refere katak sei envolve formador na'in 86, ema portugés na'in 33 no ema timoroan na'in 53, alkansa profesor timoroan na'in 4.300 tinan-tinan.

"Hanesan inovador no seidauk halo asaun ida hanesan ne'e iha Timor to'o agora. Hanesan klaru katak koperasaun portugeza ho Timor iha área edukasaun la'ós hahú agora. Ami aprende nafatin lisaun sira ho projetu sira ne'ebé maka ami dezenvolve", nia hatete.

"Ami hahú ho projetu ne'e, maibé ami iha projetu sira seluk iha área, hosi ensinu superior, defeza, jornalista sira ho komunikasaun sosial. Ami tenta fó dinámika iha intervensaun ne'e iha área edukasaun ne'ebé maka merese iha nível eselénsia nian hosi relasaun sira entre nasaun rua", nia hatete.

Durante vizita iha Timor-Leste, Luis Faro Ramos iha ajenda halo enkontru oioin ho responsável timoroan oioin ne'ebé sei analiza komponente oioin hosi programa boot liu hosi koperasaun portugeza.

Iha loron-kinta ne'e sei iha vizita ida ba Universidade Nasional Timor Lorosa’e (UNTL) ho ba Eskola Portugeza Díli nian no iha loron-sesta sei iha atividade kultural sira ho vizita sira ba Aileu ho Same.

Sei asina mós protokolu foun ida entre programa hosi reforsu hosi Jestaun ho Supervizaun ba hosi Finansa Públika iha Timor-Leste (PFMO) - selu hosi Uniaun Europeia iha modelu koperasaun ne'ebé delegadu iha Camões - ho Sentru Estudu sira ba Dame ho Dezenvolvimentu (CEPAD) timoroan.

"Ba profesor portugés barak ne'ebé maka mai iha ne'e hodi hanorin portugés., saida maka hela ba futuru maka bainhira profesor timoroan sira iha habilitasaun hodi forma ema timoroan sira iha lian portugeza. Ne'e maka hanesan asuntu importante", subliña hosi Faro Ramos.

Lusa

 


Comentários

Critério de publicação de comentários