Pájina aktualizada iha 01:50h, domingu 23 Setembru

Nova Zelándia simu informasaun hosi ema torturadu sira hosi CIA durante funu iha Afeganistaun

09 de Setembro de 2019, 21:36

Ajénsia sira espionajen nian hosi Nova Zelándia simu ona informasaun sira hosi suspeitu sira ne'ebé kaer ho simu tortura hosi norte-amerikanu CIA durante funu iha Afeganistaun no to'o fornese pergunta sira ba interogatóriu sira, fó sai hosi relatóriu ofisial hosi nasaun ne'e.


Xefe interina hosi Inspetor-Jeral hosi Seguransa ho Intelijénsia, Madeleine Laracy, esklarese ona katak ajénsia sira ne'e "la'ós hanesan kúmplise ka iha envolvimentu iha tortura ka iha tratamentu ne'ebé la'ós umanu hosi ema detidu sira", haktuir hosi investigasaun sira ne'ebé hala'o entre tinan 2001 ho 2009.

Órgaun hosi auditoria analiza ona karik Serbisu Intelijénsia ho Seguransa hosi Nova Zelándia (NZSIS, iha sigla lian inglés) ho Ajénsia hosi Governu ba Seguransa Komunikasaun sira (GCSB) sai hanesan kúmplise hosi atividade ilegal sira hosi Ajénsia Nasional Intelijénsia (CIA) hosi Estadus Unidus nian iha Afeganistaun.

Tuir relatóriu, ajénsia rua, maibé liuliu NZSIS, simu ona "relatóriu barak intelijénsia nian ne'ebé maka hetan hosi [interogatóriu sira] ba ema detidu sira ne'ebé ikusmai submete ba tortura". No, "iha okaziaun ida, NZSIS elabora ona pergunta sira ba CIA hodi interoga detidu ida", hakotu.

"Maski NZSIS la hatene katak interogatóriu sira envolve tortura, hatene katak CIA mantén ema ne'e iha fatin deskoñesidu ida", hatutan hosi relatóriu ne'ebé subliña mós katak atividade sira ne'e konsidera hanesan "ilegal iha Nova Zelándia no hosi direitu internasional no ne'ebé inklui tortura".

Investigasaun sira hahú tinan ida hafoin EUA publika relatóriu ida iha tinan 2014 kona-ba atividade sira hosi CIA durante funu iha Afeganistaun.

Dokumentu analiza ona uzu hosi prosesu kontroversu sira interogatóriu nian ne'ebé inklui tortura ba suspeitu sira ho membru sira hosi movimentu extremista islámiku Al-Qaeda, ne'ebé mantén iha instalasaun sekreta sira iha Europa ho Ázia iha tinan ualu ikus hafoin atake loron 11 Setembru 2001 iha Nova Iorke.

Lusa

 


Comentários

Critério de publicação de comentários