Pájina aktualizada iha 00:59h, kinta-feira 06 Dezembru

Esportasaun xineza rekua iha agostu tanba konflitu komersial sira ho EUA

09 de Setembro de 2019, 22:06

Esportasaun xineza sira rekua iha fulan-Agostu, bainhira kompara ho períudu hanesan hosi 2018, iha momentu ne'ebé maka funu komersial ho Washington aumenta, ho hahú hala'o aumenta ba taxa alfandegáriu sira ba produtu xinés sira iha EUA.


Tuir informasaun hosi alfándega Xina nian, esportasaun xineza sira tuun 1% iha fulan-Agostu. Komersial maka'as hosi Xina tuun ba dolar biliaun 34,8, hafoin iha fulan liubá fiksa iha dolar billiaun 45.

Diminuisaun hanesan akuza impaktu hosi konflitu komersial sira ho Estadus Unidus, parseiru komersial boot hosi nasaun aziátiku.

Esportasaun xineza sira ba EUA tuun 16%, ba dolar biliaun 44,4. Importasaun xineza sira hosi sasán norte-amerikanu sira tuun 22% ba dolar biliaun 10,3.

Informasaun sira kontraria analista sira ne'ebé kalkula aumentu ida hosi esportasaun xineza ba EUA, hanesan dalan hodi adianta enkomenda sira antes hahú hala'o, iha inísiu setembru, ronda foun ida hosi taxa alfandegáriu sira, hosi 15%, kona-ba total hosi dolar biliaun 112 hosi sasán sira ne'ebé importa hosi Xina.

Taxa foun sira, ba dala uluk, halo mós ba produtu sira hanesan sapatu sira ho ropa sira ne'ebé halo iha Xina, atinji mós produtor xinés sira maibé mós konsumidor norte-amerikanu sira ne'ebé depende hosi produsaun hosi ekonomia boot daruak iha mundu.

Washington ho Pekin aumenta ona taxa alfandegária sira hasoru sasán hamutuk dolar biliaun resin hosi nasaun rua, iha funu komersial ida ne'ebé maka dura ona tinan ida resin.

Iha sentru hosi funu komersial maka iha polítika hosi Pekin ba área teknolójiku, ne'ebé hakarak muda empreza estatal sira hosi nasaun ba ator global importante sira iha área sira hosi valor agragadu aas, hanesan intelijénsia artifisial, enerjia renovável, robótika ho karreta elétriku sira.

EUA konsidera katak planu, ne'ebé impulsionadu hosi Estadu xinés, viola kompromisu sira hosi Xina hodi loke nia merkadu, liuliu hodi obriga empreza estranjeiru sira hodi transfere teknolojia no hodi fó subsídiu sira ba empreza doméstika sira, bainhira proteje sira hosi kompetisaun externa.

Delegasaun sira hosi nasaun rua sei hasoru malu fali iha Outubru, iha Washington, hodi ko'alia akordu ida ne'ebé hakotu konflitu, maibé hanesan improvável atu iha solusaun ida iha tempu badak.

Prezidente norte-amerikanu, Donald Trump, anunsia ona katak sei aumenta taxa sira, hosi 25% ba 30%, hasoru sasán importadu hosi Xina hamutuk dolar biliaun 250, hahú iha fulan oinmai.

Lusa

 


Comentários

Critério de publicação de comentários