Pájina aktualizada iha 02:14h, domingu 23 Setembru

Papa apela iha illa Maurísia ba atensaun maka'as ba joven sira

09 de Setembro de 2019, 22:52

Iha loron-segunda ne'e, Papa Francisco husu ona iha illa Maurísia atu fó atensaun maka'as ba joven sira, hodi konsidera katak sira, tanba nia vitalidade ho dedikasaun, bele lori freskura hosi juventude ba igreja.


Francisco ko'alia iha misa ne'ebé nia halo ba ema rihun resin iha Monumentu Maria nian, Liurai-feto Dame nian, iha kilómetru 40 hosi Port Louis, kapital Maurísia nian, illa iha Oseanu Índiku ne'ebé nia vizita durante oras ualu nia laran.

Pontífise arjentinu ko'alia kona-ba nesesidade hosi renovasaun Igreja nian no halo ona referénsia "liuliu ba joven sira ne'ebé, ho nia vitalidade ho dedikasaun, bele lori furak ho fresku juventude nian bainhira dezafia komunidade kristaun".

Iha nia homília, Papa husu ona atu fó ba joven sira fatin destake ida iha komunidade no lamenta ona katak, iha Maurísia, "maski hosi aumentu ekonómiku", joven sira "maka terus liu ho dezempregu" hodi konsidera katak sirkunstánsia ne'e hamosu futuru ida ne'ebé la loos ba sira no mós hasai posibilidade hodi sira senti hanesan útil iha nasaun.

"Sira, ita nia joven sira, hanesan ita nia misaun dahuluk!", Francisco hatete hodi husu ba Igreja hodi fó ba sira atensaun hodi koñese "nia lian, rona nia istória sira".

Iha Maurísia ezisti koezisténsia pasífiku ida entre relijiaun oioin ne'ebé besik metade hosi populasaun hanesan hindu, tanba imigrante indianu sira ne'ebé to'o iha fatin ne'e durante domíniu britániku.

Ema katóliku sira reprezenta 28% ho musulmanu sira 18% bainhira iha relijiaun afrikanu tradisional sira seluk.

Misa ne'ebé Francisco halo iha mós prezensa hosi reprezentante sira hosi relijiaun oioin, informa hosi porta-vós governu nian Praadep Goburdhone.

Iha nia homília, pontífise lembra ona figura hosi Jacques Laval, ne'ebé ikusmai nia sei vizita nia rate, ne'ebé hanesan misionáriu fransés ida ne'ebé to'o iha illa iha tinan 1841 no kuida ona ema kiak sira ho ema indíjena sira no hanesan reverensiadu tebes iha nasaun hosi mós fiar-na'in sira hosi relijiaun sira seluk.

Viajen oras ualu ba Maurísia hanesan etapa datoluk hosi viajen ida ba Áfrika, ne'ebé hahú iha loron-kuarta, ho pasajen hosi Mosambike ho Madagáskar, nasaun rua ne'ebé halo parte hosi nasaun kiak liu iha mundu.

Lusa

 


Comentários

Critério de publicação de comentários