Pájina aktualizada iha 02:14h, domingu 23 Setembru

Governu britániku suspende parlamentu hahú ohin to'o 14 fulan-Outubru

09 de Setembro de 2019, 23:10

Parlamentu britániku sei suspensu hahú hosi final hosi debate loron-segunda kalan ne'e no durante semana lima nia laran, to'o 14 Outubru, konfirma hosi porta-vós ida hosi primeiru-ministru Boris Johnson nian iha loron-segunda ne'e.


Iha ajenda parlamentar loron-segunda ne'e iha debate sira kona-ba lejislasaun sira ba Irlanda-Norte no proposta ida hosi eleisaun antesipadu ne'ebé halo hosi governu maibé ne'ebé maka opozisaun hakarak ona atu inviabiliza.

Suspensaun to'o loron 14 Outubru hamosu ona indignasaun ida iha Reinu Unidu bainhira anunsia ona iha final Agostu nian, hodi halo opozisaun kualifika desizaun hanesan "eskándalu ida ho ameasa ida ba demokrasia" no manobra ida hodi obriga 'Brexit' ida lahó akordu iha loron 31 Outubru.

Governu britániku hetan ona autorizasaun hosi liurai-feto Isabel II ho objetivu hodi "aprezenta ajenda lejislativu nasional foun ida ouzadu ho ambisiozu ba renovasaun hosi nasaun hafoin 'Brexit' iha loron 14 Outubru, invoka ona primeiru-ministru Boris Johnson.

Asaun judisial rua hodi blokeia suspensaun ne'ebé maka rejeita ona semana ikus sira ne'e iha tribunal sira iha Edimburgu ho Londres, no hein atu rekursu sira sei analiza iha loron 17 Setembru hosi Tribunal Supremu, instánsia judisial ikus britániku nian.

Kazu datoluk iha hela tribunal ida iha Belfast no nia audiénsia ajenda ba loron 16 Setembru.

Lusa

 


Comentários

Critério de publicação de comentários