Pájina aktualizada iha 02:14h, domingu 23 Setembru

Suisídiu oho liu duké kankru susun nian ka funu, mate ida tuir segundu 40 ida

09 de Setembro de 2019, 23:47

Ema ida oho-aan iha mundu tuir segundu 40 ida, ho suisídiu hanesan responsável ba mate hamutuk rihun 800 resin tinan-tinan, liu duké kankru susun nian, malária, funu ka homisídiu sira.


Informasaun sira fó sai iha relatóriu ida hosi Organizasaun Mundial Saúde (OMS) nian kona-ba suisídiu, ne'ebé haktuir hanesan "problema importante ida hosi saúde públika global ne'ebé afeta idade tomak, seksu ho rejiaun sira iha mundu".

Iha faixa tinan entre 15 to'o tinan 29, suisídiu mosu hanesan kauza daruak ne'ebé maka oho liu, hafoin asidente rodoviáriu sira.

Bainhira analiza faixa joven sira to'o tinan 19, suisídiu mosu iha fatin datoluk iha kauza mate sira nian, hafoin asidente viasaun sira ho iha oituan de'it hosi mate sira ne'ebé maka akontese hosi violénsia interpesoal.

Iha idade tomak, suisídiu aprezenta taxa boot ida iha mane sira duké iha feto sira, ho média ida iha mane sira 1,8 boot liu duké iha seksu femininu.

Relatóriu hosi OMS hatudu katak entre tinan 2010 ho 2016 taxa hosi ema sira ne'ebé oho-aan tuun iha nível global kuaze 10% maibé salienta katak diminuisaun ne'e la akontese iha nasaun tomak iha mundu.

OMS rekomenda reforsu ida hosi medida sira ne'ebé evita suisídiu sira, hodi rekorda katak hanesan mate sira ne'ebé maka bele evita. Fó ezemplu medida sira hanesan bandu iha asesu ba meiu sira ne'ebé maka bele hamosu suisídiu, formasaun hosi joven sira hodi hili feramenta sira ba moris, identifikasaun antes hosi risku ho interasaun ho media sira ba komunikasaun ida responsável kona-ba suisídiu.

Restrisaun iha asesu ba insetisida ka pestisida sira ne'ebé uza ba auto envenenamentu identifika hosi OMS hanesan medida ida ne'ebé bele hamosu diminuisaun iha taxa suisídiu sira iha nível global.

"Aumentu hosi toxidzde hosi pestisida sira signifika katak tentativa sira hosi suisídiu dalabarak hamosu mate, liuliu iha situasaun sira ne'ebé laiha antídotu ka laiha instalasaun médika sira ne'ebé maka besik", refere hosi dokumentu ne'ebé divulga iha loron-segunda ne'e.

OMS indika katak iha konjuntu kresente ida hosi evidénsia internasional sira ne'ebé hatudu ba efikásia hosi medida sira ne'ebé bandu pestisida sira ne'ebé perigozu sira.

Nasaun ne'ebé maka estudadu liu iha nível ne'e maka Sri Lanka, ne'ebé iha bandu oioin iha pestisida toksida aas sira ne'ebé halo diminuisaun hosi 70% hosi suisídiu sira, ho estimativu ida hosi rihun 93 hosi moris sira ne'ebé maka salva entre tinan 1995 ho 2015.

Relatóriu hosi OMS enumera informasaun sira hosi estimativu sira hosi suisídu rejistadu iha nasaun ida-idak tinan 2016. Portugal mosu ho taxa estimadu ida hosi mortalidade hosi populasaun 14 tuir populasaun rihun 100, maibé informasaun sira ne'e la hanesan koinsidente ho númeru ofisial sira ne'ebé maka divulga ona hosi Diresaun-Jeral Saúde portugés nian, ho baze iha tabela ofisial sira hosi Institutu Nasional hosi Estatístika ne'ebé indika taxa maka'as ida ki'ik liu hosi 9,5 tuir rihun 100.

Lusa

 


Comentários

Critério de publicação de comentários