Pájina aktualizada iha 21:13h, tersa-feira 12 Novembru

Paula Teixeira da Cruz sei kolabora iha reforma judisiáriu Timor-Leste nian

10 de Setembro de 2019, 22:25

Eis-ministra Justisa portugeza Paula Teixeira da Cruz sei lidera, durante tinan ida, ekipa hosi jurista sira ne'ebé sei kolabora ho reforma judisiáriu Timor-Leste nian.


Deputada hosi PSD portugés esplika iha loron-tersa ba ajénsia Lusa katak ekipa hosi advogadu sira ne'ebé nia sei lidera manán ona konkursu públiku internasional ida, iha ámbitu hosi Programa Dezenvolvimentu hosi ONU nian, no durante tinan ida sei kolabora ho autoridade sira Timor-Leste nian iha elaborasaun hosi reforma judisiáriu Timor-Leste nian.

"Reforma ne'e hanesan parlamentu nian. Ami sei apoia parlamentu liuhosi ONU ho aprezentasaun hosi proposta oioin", hatete hosi Paula Teixeira da Cruz ne'ebé aponta ona "artikulasaun entre justisa tradisional ho justisa formal" hanesan susar boot iha reforma.

"Rekizitu desizivu ida ba vitória maka reforma sira ne'ebé halo ona no ne'ebé maka rekoñese ona iha nível internasional", esplika hosi konsultora hosi parlamentu timoroan ba reforma judisial.

Advogada halo ona viajen ba Timor-Leste hodi hatudu ona ba primeiru-ministru ho parlamentu proposta balun ba reforma justisa nian no asumi ona katak presiza empeñu total hosi instituisaun sira ho sosiedade sivil nian.

Entre proposta sira ne'ebé hato'o iha lei organizasaun judisiáriu, konsidera hanesan importante ba reforma, kriasaun hosi Supremu Tribunal Justisa nian ho estatutu sira hosi majistratura.

Lusa

 


Comentários

Critério de publicação de comentários