Pájina aktualizada iha 01:40h, domingu 23 Setembru

Tenki hasai ema hamutuk atus resin iha Austrália tanba inséndiu

10 de Setembro de 2019, 23:25

Pelumenus ema na'in 400 maka hasai ona hosi sira nia habitasaun iha Austrália tanba inséndiu oioin ne'ebé maka kombate daudaun hosi operasional rihun resin iha leste nasaun nian, informa ona hosi autoridade lokal sira.


To'o agora, rejista de'it estraga material sira, ne'ebé maka autoridade sira hosi estadu Queensland konsidera hanesan "milagre ida".

Iha estadu australianu ne'e, ida ne'ebé maka afetadu liu hosi rai-maran maka'as no kleur iha nasaun, bombeiru hamutuk rihun resin kombate ona inséndiu hamutuk 80 resin.

Serbisu meteorolójiku sira alerta ona ba posibilidade ida hosi aumentu ba intensidade hosi anin iha rejiaun ne'ebé bele hamosu intensidade hosi ahi.

Área turístiku hosi Sunshine Coast iha loron-tersa ne'e sai hanesan foku prinsipal hosi preokupasaun, liuliu iha sidade kosteira Peregian, iha kilómetru 120 resin hosi norte Brisbane nian, ne'ebé iha ema na'in 400 resin maka hela iha sentru sira evakuasaun nian.

Polísia hosi Queensland investiga hela inséndiu ualu hosi inséndiu sira ne'e tanba deskonfia iha asaun kriminozu.

Maibé, iha estadu viziñu New South Wales, inséndiu tolu, hosi inséndiu 50 resin ne'ebé ativu, estraga ona rai hamutuk hektar 115.000 resin.

Temporada hosi inséndiu sira iha Austrália varia tuir zona ho kondisaun meteorolójiku sira maibé parte barak hosi ahi sira baibain rejista durante veraun australianu nian (entre fulan sira Dezembru ho Marsu).

Inséndiu aat liu iha nasaun iha dékada hirak ikus ne'e akontese iha inísiu fulan-Fevereiru 2009 nian, iha estadu Vitória, iha sudeste, ne'ebé halo ona ema na'in 173 mate, na'in 414 kanek no área mutuk ida aas liu 4.500 kilómetru kuadradu.

Lusa

 


Comentários

Critério de publicação de comentários