Pájina aktualizada iha 03:09h, kuarta-feira 21 Novembru

Timor-Leste ho "interese maka'as liután" iha koperasaun ho Portugal

11 de Setembro de 2019, 23:33

Prezidente hosi Camões - Institutu Koperasaun ho Lian nian hatete, iha loron-tersa, katak iha "interese maka'as liután" hosi Timor-Leste iha koperasaun ho Portugal ne'ebé hamosu iha envolvimentu finanseiru boot ida hosi nasaun iha projetu sira.


"Ha'u sai ho projetu barak iha karteira, liuliu iha área edukasaun nian maibé mós ho sensasaun katak iha interese maka'as liután hosi parte Timor-Leste nian iha dezenvolvimentu hosi parseria koperasaun ho Portugal", hatete hosi Luís Faro Ramos.

Responsável hosi Institutu Camões, ne'ebé foin lalais ne'e vizita Timor-Leste hodi asina projetu sira koperasaun nian, halo ona balansu ida "pozitivu tebes" hosi viajen ne'e iha deklarasaun sira ba ajénsia Lusa.

Vizita ne'e nia "pontu importante", tuir Faro Ramos, maka asinatura hosi protokolu ida ba programa foun ida formasaun kontínua nian iha lian portugeza hosi profesor sira hosi ensinu ne'ebé la'ós superior, ho folin ida euro millaun 16,28 to'o tinan 2022 no ne'ebé sei envolve formador na'in 86, portugés na'in 33 ho timoroan na'in 53, hodi alkansa, tinan-tinan, profesor timoroan hamutuk na'in 4,300.

Portugal selu projetu ne'e ho euro millaun 3,3 no valor restu kaer hosi Timor-Leste.

Institutu Camões iha mós projetu iha Timor-Leste ne'ebé hanesan "Konsultóriu Lian nian ba Jornalista sira" ne'ebé nia diploma hosi faze dahuluk sira entrega ona durante prezensa hosi Luís Faro Ramos iha nasaun, no iha tempu badak sei hahú faze daruak.

"Tenki subliña envolvimentu superior hosi autoridade sira Timor-Leste nian, liuliu iha kestaun hosi rekursu finanseiru sira. Iha Pró-Portugés ho mós iha "Konsultóriu Lian nian" iha intensaun ida hosi parte autoridade timoroan sira hodi envolve ho dalan substansial liu iha parte hosi rekursu finanseiru sira", nia hatete.

Tanba ne'e, Luís Faro Ramos fiar, "projetu estruturante sira hotu" iha área edukasaun nian iha Timor-Leste "sei kontinua iha modelu sira ne'ebé ambisiozu liu iha nível kualitativu ho kuantitativu".

Portugal dezenvolve mós, liuhosi Ministériu Defeza portugés, programa "Em Marcha", hosi manual sira portugés nian ba militar sira, ho finansiamentu hosi Ministériu Traballu ho Solidariedade nian ne'ebé entrega ona pavillaun ida, iha rejiaun Same, ba projetu sosial ida hosi madre dominikanu sira nian.

Iha área agrikultura, Institutu Camões dezenvolve projetu "Quinta Portugal".

"Liu duké projetu foun sira hanesan reforsu sira hosi projetu sira ne'ebé maka ami hala'o nafatin ho abordajen ida ne'ebé envolve autoridade sira Timor-Leste ho dalan signifikativu ida", subliña hosi Faro Ramos.

Portugal ho Timor-Leste asina ona, iha Juñu, iha Lisboa, Programa Estratéjiku Koperasaun (PEC) 2018-2022, ne'ebé sei iha envelope finanseiru hamutuk euro millaun 70 no iha prioridade ba projetu sira iha área edukasaun nian.

Lusa

 


Comentários

Critério de publicação de comentários