Pájina aktualizada iha 03:09h, kuarta-feira 21 Novembru

Sevenair sei ajuda Timor-Leste hodi elabora estratéjia ba transporte aéreu

12 de Setembro de 2019, 00:11

Administrador hosi Sevenair, Alexandre Alves, hatete iha loron-kuarta katak empreza hosi aviasaun portugeza ne'e sei ajuda Timor-Leste hodi elabora estratéjia ida ba área transporte aéreu nian ne'ebé maka nasaun hanesan dependente hosi operador indonéziu sira ho australianu sira.


Iha entrevista ba ajénsia Lusa, iha sidade Praia, Alexandre Alves hatete katak Sevenair ko'alia ona ho governu rua ne'ebé la hanesan hodi analiza merkadu timoroan, ne'ebe maka halo daudaun iha momentu ne'e no vizita ona teritóriu dala rua.

Nia hatutan katak iha vizita sira ne'e empreza haree katak Timor-Leste iha problema boot ida maka distánsia, maibé, iha tempu hanesan, bele hanesan oportunidade ida, "tanba la'ós ema barak maka hakarak investe dook tebes".

Haree mós katak iha hanesan balun ho Cabo Verde, nasaun ne'ebé maka Sevenair hahú ona operasaun sira iha tinan liuba, bainhira aluga aviaun ida ba Estadu kabu-verdianu hodi lori ema moras sira.

"Maski sira [Timor-Leste] situa iha de'it illa ida, asesibilidade sira entre sidade sira laiha, hodi halo kilómetru 80 estrada nian demora oras tolu ka haat, hanesan kuaze entre illa sira", Alves hatete.

Responsável emprezarial haree mós katak laiha kobertura aéreu ida agora daudaun iha Timor-Leste no halo ona investimentu ruma iha nível hosi aeroportu sira maibé laiha transporte aéreu.

"Iha faze ne'e saida maka ami hato'o maka ajuda Governu hodi hanoin estratéjia ida ba transporte aéreu, tanba ha'u hanoin katak agora daudaun hanesan faze ne'ebé falta", nia hatete hodi afirma katak nasaun hanesan depende 100% hosi empreza indonézia sira ho australianu sira.

"Presiza kria iha ne'e independénsia ruma hosi teritóriu, to'o garanti soberania nasional. Transporte aéreu hanesan dalan ida importante tebes iha área ne'e no ami hato'o ajuda hanoin planu estratéjiku ba área aeronáutiku", reforsa hosi Alexandre Alves ba Lusa.

Hafoin elabora tiha estratéjia no ajuda hetan solusaun sira maka Sevenair bele avalia posibilidade hodi tama iha merkadu timoroan, haktuir hosi administrador komersial.

"Iha restrisaun balun, tanba distánsia, maibé iha mós oportunidade sira. Avansa ba ne'ebá hanesan asaun ne'ebé maka ami ko'alia kleur ona maibé la'ós asaun ne'ebé bele halo iha tinan oinmai", nia hatete.

Alexandre Alves hatete katak, agora daudaun, "aposta boot" hosi Sevenair maka merkadu kabu-verdianu, ne'ebé sei hahú iha 14 Outubru oinmai formasaun hosi Tékniku Manutensaun hosi Aeronave sira (TMA) hamutuk ho Universidade de Cabo Verde (Uni-CV).

Ho istória tinan 32, Sevenair hanesan akademia aeronáutika prinsipal ida hosi Europa, no agora daudaun iha alunu besik na'in 700, ho nasionalidade hamutuk 36, ho formasaun hosi área tomak aviasuan nian.

Lusa

 


Comentários

Critério de publicação de comentários