Pájina aktualizada iha 21:53h, kuarta-feira 20 Novembru

Luta ba direitu sira la manán ho ideolojia sira maibé ho matenek, afirma hosi Ramos-Horta

16 de Setembro de 2019, 19:51

Nobel Dame nian José Ramos-Horta defende ona, iha loron-sábadu, iha Gaia, Portugal, katak luta ba direitu sira ho ba justisa "la manán ho ideolojia sira, pontu fundamental sira ka extremismu sira", maibé hosi "utilizasaun hanoin nian".


"Prosesu boot sira dame nian laiha liña loloos, iha dezafiu sira iha klaran. Labele iha pontu fundamental sira. Ha'u hatete beibeik, ita luta ba justisa, ita luta ba demokrasia, ba direitu ema nian, ba ita nia konviksaun sira, maibé ita uza mós ulun", afirma hosi José Ramos-Horta.

Ramos-Horta, ne'ebé ko'alia iha loron-sábadu durante konferénsia E depois do conflito - a missão de construtores da paz' ne'ebé hala'o iha biblioteka munisipal Gaia nian, defende ona katak, agora daudaun, liuhosi de'it "matenek" maka bele "manán batalla boot sira".

"No ho ulun, matenek maka ita bele manán batalla boot sira, la'ós ho dogma sira, la'ós ho ideolojia sira, la'ós ho extremismu sira. Ita manán bainhira uza ulun", nia hatete.

Durante konferénsia, Ramos-Horta aproveita ona hodi konta nia esperiénsia nu'udar "konstrutor dame nian" iha Timor-Leste no salienta ona prosesu rekonsiliasaun nian ho Indonézia, ne'ebé maka bele halo de'it liuhosi "lia-loos".

"Atu ami bele to'o amizade, ami presiza estabelese lia-loos. Ohin loron, laiha nasaun ida iha Ázia maka iha relasaun di'ak liu duké Timor ho Indonézia", nia hatete hodi hatutan katak nasaun rua hanesan mós nasaun sira ne'ebé maka iha "rejimi demokrátiku sira ne'ebé di'ak liu".

Iha sesaun, ne'ebé hetan partisipasaun hosi ema atus resin, Nobel Dame Ramos-Horta ko'alia mós kona-ba nia esperiénsia ho konvivénsia ho Nelson Mandela durante prosesu independénsia Timor-Leste nian no rekorda ona nia hanesan "boot ida hosi istória".

Aleinde ko'alia momentu oioin ne'ebé maka nia pasa ona nu'udar "konstrutor dame" nian iha Timor-Leste, Ramos-Horta temi mós "vídeo despedida ne'ebé poderozu ho simbóliku" entre eis-prezidente timoroan Xanana Gusmão ho prezidente indonéziu ne'ebé maka permiti ona referendu independénsia teritóriu nian, Bacharuddin Jusuf Habibie, antes nia mate.

Vídeo hatudu Xanana Gusmão, ne'ebé sai ona Prezidente Timor-Leste nian hafoin nasaun hetan tiha independénsia iha tinan 1999, vizita Bacharuddin Jusuf Habibie iha hospital iha Jakarta no hahú re'i nia iha reen-toos.

"Laiha buat ida maka poderozu ho simbóliku liu duké imajen hosi rekonsiliasaun ne'e", Ramos-Horta konklui.

Konferénsia 'E depois do conflito - a missão de construtores da paz' prolonga ona durante loron-sábadu loraik ho sasin sira ho esperiénsia sira moris nian hosi "personalidade sira ne'ebé iha ona knaar importante ida iha konstrusaun dame nian" iha Timor-Leste, Áfrika-Súl, Guiné-Bissau, Mosambike, Kolómbia, Venezuela, Arjentina ho Senegal.

"Hanesan konferénsia boot ida, ho naran importante sira, ho istória sira ho esperiénsia sira hosi nasaun sira ne'ebé, barak, maka ohin loron, sei tenta harii dame", hatete hosi Rui Marques, prezidente hosi Institutu Padre António Vieira (IPAV), instituisaun ne'ebé maka kordena inisiativu.

Lusa

 


Comentários

Critério de publicação de comentários