Pájina aktualizada iha 21:53h, kuarta-feira 20 Novembru

HRW husu ba Xina atu fó fali labarik uigur sira ne'ebé mantén iha internatu lahó konsentimentu

16 de Setembro de 2019, 23:11

Organizasaun ne'ebé la'ós governu ida nian ne'ebé defende direitu ema sira nian apela ona ba Xina, iha loron-segunda ne'e, hodi fó fali labarik sira hosi minoria étniku ho orijen musulmanu uigur, ne'ebé mantén iha internatu sira iha extremu noroeste nasaun nian ne'ebé laiha konsentimentu hosi sira nia família.


Tuir Human Rights Watch (HRW), autoridade xineza sira hatama hela iha instituisaun sira ho internatu estatal sira, lahó konsentimentu ka asesu ba família sira, labarik uigur sira ne'ebé sira nia aman-inan hetan kaer iha kampu sira hosi doutrinasaun polítika sira ka eziladu.

Xina mantén ema uigur sira besik millaun ida resin iha kampu sira doutrinasaun polítika nian, iha rejiaun Xinjiang, iha extremu noroeste nasaun nian.

Hafoin, ba dala uluk, nega ezisténsia hosi kampu sira, Pekin agora hatete katak hanesan sentru sira hosi "formasaun vokasional", ne'ebé destina hodi treina ema uigur sira, hanesan parte hosi planu ida hodi lori minoria étnika ba mundu "modernu ho sivilizadu" no halakon kiak iha Xinjiang.

Antigu detidu sira relata ona tratamentu aat ho violénsia, no afirma katak hetan obriga halo kritika ba islaun no nia kultura rasik no jura lealdade ba Partidu Komunista.

"Separasaun forsadu hosi labarik sira ne'ebé halo hosi Governu xinés karik hanesan elementu aat liu hosi nia opresaun iha Xinjiang", hakerek hosi diretora HRW nian ba Xina, Sophie Richardson.

"Labarik sira tenki fó fali lalais ba parente sira iha Xina ka autoriza hodi hamutuk fali ho aman-inan sira iha estranjeiru", nia apela.

Organizasaun relata kazu hosi família lima hosi Xinjiang, ne'ebé iha estranjeiru, ne'ebé lakon ona kontaktu ho sira nia oan.

HRW aponta mós katak númeru hosi labarik sira iha Xinjiang ne'ebé tau iha instituisaun estatal sira ho internatu sira lahó konsentimentu hanesan deskoñesidu, tanba kontrolu ho vijilánsia ne'ebé halo hosi autoridade sira iha rejiaun, inklui kastigu toda sira ba ema sira ne'ebé maka ko'alia ka iha kontaktu ho exterior, impede informasaun ida ne'ebé di'ak.

Tuir reportajen sira ne'ebé fahe hosi imprensa estatal xineza, labarik uigur sira ne'ebé tau iha internatu sira hetan hanorin ho lian xinés - hamosu preokupasaun sira kona-ba direitu hodi aprende nia lian rasik.

Órgaun sira iha Pekin ezajera nafatin benefísiu sira ba labarik sira ne'ebé maka hela iha instalasaun estatal sira, inklui evita atu iha influénsia hosi "hanoin extremu sira" no dezenvolve hábitu sira ho hijiene pesoal.

Iha tinan 2009, dezde kapital Xinjiang, Urumqi, sai hanesan palku hosi konflitu étniku violentu sira ne'ebé maka rejista iha dékada ikus sira iha Xina, entre ema uigur sira ho maioria han, predominante iha kargu poder polítiku ho emprezarial rejional nian, Xina halo nafatin polítika polisionamentu maka'as ida ba ema uigur sira.

Governu xinés konsidera katak represaun presiza halo hodi kombate separatizmu ho extremizmu islámiku, bainhira ativista uigur sira afirma katak hanesan de'it hodi hamosu tensaun sira.

Lusa

 


Comentários

Critério de publicação de comentários