Pájina aktualizada iha 21:55h, kuarta-feira 20 Novembru

CEDEAO sei apoia prezidensial sira iha Guiné-Bissau ho euro millaun 1,3

16 de Setembro de 2019, 23:27

Primeiru-ministru Guiné-Bissau nian, Aristides Gomes, anunsia ona katak Komunidade Ekonómiku hosi Estadu sira Áfrika Osidental (CEDEAO) nian sei fó apoiu ida hamutuk euro millaun 1,3 ba eleisaun prezidensial sira nasaun nian ne'ebé marka ba loron 24 Novembru.


"Besik hakotu rezolusaun sira kona-ba kombate hasoru terorizmu, simeira hosi xefe Estadu sira ho Governu CEDEAO nian desidi apoia realizasaun hosi eleisaun prezidensial sira iha loron 24 Novembru iha Guiné-Bissau ho folin ida dolar millaun 1,5", primeiru-ministru guiniense hakerek iha loron-domingu iha nia pájina ofisial Facebook.

Aristides Gomes partisipa ona iha loron-sábadu iha simeira extraordináriu hosi xefe Estadu sira ho Governu sira hosi CEDEAO kona-ba terorizmu, iha Ouagadougou, Burkina Faso.

Iha nia intervensaun, primeiru-ministru guiniense salienta katak Guiné-Bissau gasta ona entre Fevereiru ho Setembru osan besik millaun 300 franko cfa (besik euro rihun 457) hosi apoiu ba Polísia Judisiáriu hodi halo kombate ba krimi organizadu ne'ebé rezulta ona iha asaun prende kuaze tonelada tolu kokaina nian.

Aristides Gomes husu tan meiu sira ho koperasaun nian iha nível hosi subrejiaun ba kombate hasoru krimi organizadu hodi subliña katak kontribuisaun sira hosi komunidade internasional labele limita de'it iha kompromisu sira "polítiku ho jeoestratéjiku sira".

Lusa

 


Comentários

Critério de publicação de comentários