Pájina aktualizada iha 21:53h, kuarta-feira 20 Novembru

Xina preokupadu ho impaktu hosi atake iha Arábia Saudita iha folin petróleu nian

17 de Setembro de 2019, 23:14

Iha loron-tersa ne'e, Governu xinés admiti ona katak preokupadu ho impaktu iha merkadu sira petróleu nian hosi atake ho veíkulu aéreu ne'ebé lahó tripulasaun (drone sira) hasoru instalasaun petrolíferu sira iha Arábia Saudita ne'ebé akontese iha findesemana ne'e.


"Xina senti preokupadu tebes ho impaktu hosi atake iha estabilidade ho seguransa hosi merkadu internasional hosi fornesimentu petróleu nian", afirma hosi porta-vós hosi ministériu xinés Negósiu Estranjeiru nian, Hua Chunying.

Folin sira petróleu nian tuun iha loron-tersa hafoin aumenta tiha iha loron anterior hafoin atake.

Xina hanesan kliente boot ida petróleu nian hosi Médiu Oriente.

Hua afirma mós katak nasaun kondena atake sira hasoru refinaria ida no kampu ida esplorasaun petrolíferu nian iha Aramco, ne'ebé halo Arábia Saudita, exportador mundial boot petróleu nian, hamenus produsaun ba metade.

Porta-vós hosi Gabinete Nasional Estatístika xinés nian, Fu Linghui, konsidera iha loron-tersa ne'e katak hanesan sedu avalia impaktu iha merkadu sira enerjia nian no observa katak folin sira petróleu nian diminui hela antes atake.

Rebelde iemenista Huthis sira, apoia hosi Iraun no ne'ebé hasoru koligasaun militar ida lidera hosi Arábia Saudita, iha tinan lima liubá, asumi ona responsabilidade ba atake sira.

Insidente ne'e kondena ona hosi White House. Sekretáriu Estadu EUA nian, Mike Pompeo, akuza ona Teeraun hodi "lansa atake ida ne'ebé nunka akontese hasoru fornesimentu global enerjia nian".

Lusa

 


Comentários

Critério de publicação de comentários