Pájina aktualizada iha 21:55h, kuarta-feira 20 Novembru

Brazil hanesan nasaun luzófonu ho refujiadu barak no Portugal hanesan nasaun ne'ebé maka iha retornu maka'as hosi emigrante sira

18 de Setembro de 2019, 20:45

Relatóriu ida hosi ONU hatudu katak Brazil hanesan nasaun luzófonu ne'ebé simu liu refujiadu sira, Portugal sai hanesan nasaun ne'ebé simu retornu maka'as hosi emigrante sira ho Mosambike hetan aumentu maka'as hosi estranjeiru sira iha tinan rua nia laran.


Relatóriu hosi departamentu hosi Asuntu Ekonómiku sira ho Sosial sira ONU nian, ne'ebé maka konsultadu hosi Lusa, hatudu katak Brazil simu refujiadu hamutuk rihun 96, númeru boot liu iha universu hosi nasaun sia hosi Komunidade Nasaun sira Lian Portugeza (CPLP) nian.

Iha tinan 2018, Portugal simu ona retornu ho folin dolar millaun 4.773,4 (euro millaun 4.331,3) hosi nia emigrante sira, barak liu duké nasaun sira seluk luzófonu nian.

Dezde tinan 2017, aumentu maka'as hosi migrante sira verifika iha Mosambike ne'ebé iha ema estranjeiru liu rihun 88 resin.

Guiné-Bissau hanesan nasaun ho populasaun imigrante joven liu, ho média ida tinan 24,7. Hanesan mós nasaun luzófonu ne'ebé iha diminuisaun maka'as hosi retornu hosi emigrante sira dezde tinan 2016.

Nasaun sira iha nível sira ne'ebé besik entre migrante sira mane ho feto, menus Guiné Ekuatorial ne'ebé iha de'it estranjeiru feto hamutuk 22,9%.

Ho ema estranjeiru na'in 888.200 ne'ebé maka kontabilizadu iha Portugal, ne'ebé signifika 8,7% hosi populasaun no aumentu ida hosi ema rihun ualu dezde tinan 2017, ONU kalkula katak iha refujiadu na'in 1,700 resin maka hela iha nasaun.

Tinan médiu hosi migrante sira ne'ebé maka agora daudaun hela iha Portugal maka 43,3, no barak liu (83,2% hosi migrante sira) iha tinan entre 20 to'o 64 no 7,2% de'it maka hanesan ki'ik liu hosi tinan 19.

Tuir relatóriu, iha tinan liubá, emigrante portugés sira haruka ona ba Portugal retornu ho folin dolar millaun 4,773,4 (euro millaun 4.331,3). Folin ne'ebé iha aumentu besik euro millaun 172,5 dezde tinan 2016.

Brazil simu liu migrante rihun 71 resin duké iha tinan rua liubá, no agora iha ema rihun 897 ne'ebé maka moris iha estranjeiru. Maibé, hosi númeru ne'e la konta refujiadu sira ho ema sira ne'ebé husu azilu, ne'ebé iha ema rihun 96 maka iha situasaun hanesan ne'e.

Tinan médiu hosi migrante sira maka tinan 40,2 no 21,4% hosi sira ne'e iha liu tinan 65.

Iha tinan 2018, Brazil simu ona dolar millaun 2.933,6 hosi nia emigrante sira, liu millaun 193 duké iha tinan tolu liubá.

Angola iha aumentu ida hosi migrante rihun 31 dezde tinan 2017, no agora iha ema rihun 669,5 maka moris iha nasaun sira seluk ne'ebé inklui refujiadu rihun 71,3.

Kuaze totalidade hosi migrante sira mai hosi Áfrika Subsarianu no tinan médiu hosi migrante sira maka iha tinan 33,6.

Dokumentu indika katak retornu hosi emigrante angolanu sira ba nasaun iha dolar millaun 1,5 iha tinan 2018, maibé informasaun sira hosi relatóriu ikus hatudu dolar millaun 11 iha tinan 2016.

Cabo Verde simu migrante rihun 15,7, ho média ida tinan 40 no, iha relatóriu ne'e, la simu refujiadu sira. Númeru ne'e mantén hanesan ho tinan 2017 (ema rihun 15,3 ne'ebé maka moris iha nasaun seluk). Liu 87% hosi migrante sira iha tinan entre 20 ho 64.

Iha tinan 2018, nasaun insular simu ona euro millaun 242,6 hosi emigrante sira, aumentu ida hosi millaun 24,6 bainhira kompara ho tinan 2016.

Guiné-Bissau simu agora daudaun ema rihun 26,9 ne'ebé maka moris iha nasaun seluk, kuaze sira hotu moris iha Áfrika Subsarianu, ne'ebé rihun 11,2 hanesan refujiadu sira ho ema sira ne'ebé husu azilu (41,7% hosi migrante sira).

Tinan hosi estranjeiru sira iha Guiné-Bissau maka hosi média ida 24,7, no 41% hosi migrante sira iha tinan ki'ik liu 19 no 54,5% iha tinan entre 20 ho 64.

Nasaun simu, iha tinan liubá, dolar millaun 26,5 hosi emigrante sira, diminuisaun ida hosi millaun 12,5 dezde tinan 2016.

Guiné Ekuatorial iha sidadaun hosi nasionalidade sira seluk hamutuk rihun 227,6, 16,8% ressin hosi populasaun total nasaun nian. Ema estranjeiru sira iha, kuaze hosi kazu tomak (97,2%) tinan entre 20 ho 64 no 22,9% de'it hosi ema estranjeiru sira maka hanesan feto.

Laiha informasaun kona-ba retornu hosi emigrante sira ba Guiné Ekuatorial.

Ho refujiadu hamutuk rihun 23,7, Mosambike iha migrante hamutuk rihun 334,7, liu migrante hamutuk rihun 87,7 duké iha tinan rua liubá. Tinan média maka 30,7.

Ho aumentu ida hosi dolar millaun 156 iha retornu sira hosi emigrante sira dezde 2016, Mosambike simu ona total hamutuk millaun 354 iha tinan 2018.

São Tomé ho Prínsipe agora daudaun iha sidadaun ho nasionalidade sira seluk hamutuk 2.200, ho 95% hosi probabilidade moris iha nasaun sira seluk hosi Áfrika Subsarianu. Númeru sira besik hanesan ho tinan 2017, lahó rejistu ba refujiadu ruma.

Nasaun karik simu dolar millaun 17,1 hosi emigrante sira iha tinan 2018, millaun ida liu duké tinan 2016.

Timor-Leste hanesan uma hosi ema hamutuk na'in 8.400 hosi ema sira ne'ebé maka moris iha nasaun seluk, ho tinan média ida 32,4.

Hosi sidadaun sira ne'ebé moris iha nasaun seluk no ho rezidénsia iha Timor-Leste, iha de'it 39,6% maka hanesan feto, diminuisaun ida hosi 10% bainhira kompara ho tinan 2017.

Iha tinan liubá, nasaun simu ona dolar millaun 20 resin hosi emigrante sira duké iha tinan 2016, indika dolar millaun 88,5 ba tinan 2018.

Lusa

 


Comentários

Critério de publicação de comentários