Pájina aktualizada iha 21:55h, kuarta-feira 20 Novembru

Iraun aviza formalmente EUA katak sei hatán ba atake ruma

18 de Setembro de 2019, 22:20

Governu iranianu adverte ofisialmente Estadus Unidus katak sei hatán "lalais" ba agresaun ruma, reaje nune'e ba pozisaun hosi Washington kona-ba vingansa ruma hasoru Teeraun iha sekuénsia hosi atake sira hasoru petrolíferu saudita Aramco.


"Bainhira halo asaun ruma hasoru Iraun sei iha resposta lalais no alkanse hosi resposta sei la limita de'it ba ameasa ida", refere hosi nota ofisial ida ne'ebé maka publika iha imprensa iranianu iha loron-kuarta ne'e.

Dokumentu ne'e haruka iha loron-segunda hosi autoridade sira Teeraun nian ba reprezentante hosi interese norte-amerikanu sira nian iha embaixada Suisa iha kapital Iraun nian, tanba Estadus Unidus laiha relasaun diplomátiku ho Repúblika Islámiku.

Iha karta, governu iranianu subliña katak atake sira hasoru Aramco "la'ós obra hosi Iraun", kondena no nega akuzasaun sira hosi prezidente norte-amerikanu, Donald Trump, no hosi sekretáriu Estadu, Mike Pompeo.

Iha loron-sábadu, hafoin kedas atake sira hosi aparellu sira ne'ebé semo lahó tripulasaun (drone sira), Pompeo akuza ona forsa iranianu sira.

Atake sira reivindikadu ona hosi rebelde iemenista huthis ne'ebé antes lansa tiha atake oioin hasoru Arábia Saudita hanesan vingansa ba intervensaun hosi koligaaun ne'ebé lidera hosi saudita sira iha funu ne'ebé maka akontese iha nasaun dezde tinan 2015.

Maibé, prezidente Iraun nian, Hassan Rohani hatete katak atake sira ne'ebé akontese iha infraestrutura petrolíferu saudita sira hanesan ona "avizu" ida ne'ebé maka lansa hosi rebelde iemenista sira no ne'ebé maka Riade tenki aprende "lisaun".

"Sira (rebelde iemenista sira) la ataka hospital ida (…) la ataka eskola ruma (…) sira ataka de'it pontu industrial ida. Tenki hasai lisaun sira kona-ba avizu", Rohani hatete iha reuniaun hosi Konsellu Ministru sira ne'ebé halo iha Teeraun iha loron-kuarta ne'e.

Lusa

 


Comentários

Critério de publicação de comentários