Pájina aktualizada iha 03:11h, kuarta-feira 21 Novembru

FMI iha Guiné-Bissau hodi avalia vulnerabilidade hosi governasaun nasaun nian

19 de Setembro de 2019, 00:29

Fundu Monetáriu Internasional vizita hela Guiné-Bissau hodi halo misaun ida hodi avalia vulnerabilidade sira hosi governasaun nasaun nian, anunsia hosi Governu guiniense.


"Hanesan misaun ida ne'ebé ida ne'ebé iha asaun importante sira ne'ebé sei ko'alia asuntu oioin, liuliu kestaun sira ne'ebé iha ligasaun ba risku orsamental, kestaun sira hosi transparénsia iha jestaun hosi konta públika, makroekonomia, reforma estrutural sira no, tanba ne'e, hanesan misaun ida importante tebes ba nasaun", afirma hosi ministru Finansa Geraldo Martins.

Ministru Finansa ko'alia iha Palásiu Governu iha inísiu hosi reuniaun ida ho FMI no ne'ebé halibur ministru sira ho sekretáriu Estadu sira hosi atual Governu guiniense.

Misaun sei vizita nasaun to'o inísiu fulan-Outubru.

Tuir dokumentu ida ne'ebé disponibiliza ba imprensa, misaun hosi FMI iha objetivu prinsipal sira hodi avalia natureza ho gravidade hosi vulnerabilidade sira hosi governasaun iha Guiné-Bissau, iha perspetivu hosi governasaun fiskal ho lejislasaun nian, inklui antikorupsaun, lei hosi brankeamentu kapital ho Estadu Direitu nian.

FMI sei halo mós rekomendasaun sira hodi hadi'a governasaun fiskal no lejislasaun no hodi defini estratéjia ida iha prazu médiu hodi bele konsede "potensial programa ida ne'ebé selu" hosi organizasaun finanseiru.

Misaun sei fó destaka espesial ida ba kombate hasoru korupsaun, liuliu hosi identifikasaun hosi ameasa ho frakeza prinsipal sira, maneira sira korupsaun nian no prioridade sira iha nia kombate.

Lusa

 


Comentários

Critério de publicação de comentários