Pájina aktualizada iha 21:57h, kuarta-feira 20 Novembru

António Guterres hatete katak ONU iha perspetiva pozitivu kona-ba nasaun luzófonu sira

19 de Setembro de 2019, 20:57

Sekretáriu-jeral ONU nian, António Guterres, iha loron-kuarta ne'e hatudu perspetiva pozitivu sira kona-ba dezenvolvimentu hosi nasaun luzófonu sira, liuliu Guiné-Bissau, antes reuniaun hosi Asembleia-Jeral ONU nian, hahú iha loron-tersa oinmai.


Iha konferénsia imprensa iha sede hosi ONU nian, iha Nova Iorke, António Guterres afirma ona katak "nasaun sira lian portugeza nian iha knaar importante tebes ida iha kuadru hosi relasaun internasional sira no hanesan parseiru sira ONU nian".

Sekretáriu-jeral hatete katak ONU iha hela klima otimizmu nian kona-ba Guiné-Bissau tanba eleisaun prezidensial sira iha Novembru, Timor-Leste hanesan "ezemplu notável ida hosi triunfu demokrasia nian iha sirkunstánsia nian ne'ebé maka susar tebes" no ne'ebé solidariedade ho Mosambike kontinua forte.

"Ami senti otimizmu ho Guiné-Bissau, ami hanoin katak eleisaun prezidensial sira sei akontese ho nasaun sei la'o neineik ba estabilidade polítika", komenta hosi líder ONU nian, organizasaun ne'ebé mantén misaun ida apoiu nian ba estabilidade hosi nasaun ne'e to'o final tinan 2020.

António Guterres deklara ona katak ONU akompaña "ho interese tomak" situasaun iha Timor-Leste: "ami hatene katak iha susar ruma iha moris polítika timoroan nian no ami sei halo buat hotu hodi apoia ema timoroan sira hodi rezolve sira nia susar".

Antigu primeiru-ministru portugés destaka ona katak organizasaun internasional haree ba Timor-Leste hanesan "ezemplu notável ida hosi triunfu demokrasia nian iha sirkunstánsia ne'ebé susar tebes".

Guterres aproveita konferénsia imprensa hodi hatudu, dala ida tan, "solidariedade maka'as ho Mosambike", nasaun ne'ebé sofre ho konsekuénsia sira hosi siklone sira Idai ho Kenneth, hosi fulan-Marsu ho fulan-Abril, no ne'ebé eziji nafatin "apoiu boot ida hosi komunidade internasional".

Iha parte seluk, tuir sekretáriu-jeral, ONU iha esperansa katak sunu ai-laran sira iha Brazil no iha mundu tomak sei "simu kombate maka'as" no halo tuir polítika ida reflorestasaun ida ho "susesu".

António Guterres hatete iha loron-kuarta ne'e ba jornalista sira hosi imprensa internasional katak semana hosi nível importante hosi Asembleia Jeral, ne'ebé sei halo iha loron-tersa to'o fulan ne'e nia rohan, iha Nova Iorke, hanesan oportunidade ida hodi hatudu ba ONU oinsá sentru mundial ida hosi solusaun sira ho mudansa pozitivu sira iha ema sira nia moris.

Sekretáriu-jeral ONU nian subliña katak Estadu-membru sira hosi ONU hamutuk 193 tenki marka prezensa ho "ambisaun ho asaun" hodi garanti dame ho seguransa ba sira nia populasaun.

Lusa

 


Comentários

Critério de publicação de comentários