Pájina aktualizada iha 21:53h, kuarta-feira 20 Novembru

António Guterres alerta katak mundu hasoru risku besik ba "fratura boot" ida

24 de Setembro de 2019, 23:46

Sekretáriu-jeral ONU nian alerta ona iha loron-tersa ne'e ba risku besik ida ne'ebé mundu hasoru ba "fratura boot" ida ne'ebé halo hosi sistema paralelu rua, iha referénsia implísita ida ba ekonomia global boot rua, Estadus Unidus (EUA) ho Xina.


António Guterres ko'alia iha abertura hosi debate jeral hosi sesaun ba dala 74 hosi Asembleia-Jeral ONU nian, ne'ebé hahú iha loron-tersa no hala'o to'o loron 30 Setembru ho prezensa hosi xefe Estadu ho Governu sira na'in 150 resin, inklui hosi Prezidente portugés, Marcelo Rebelo de Sousa.

"Ita tenki halo posibilidade tomak hodi evita fratura boot ida no mantén sistema universal ida: ekonomia universal ida ho respeitu universal hosi Direitu Internasional, mundu multilateral ida ho instituisaun multilateral sira forte", afirma hosi sekretáriu-jeral ONU nian ne'ebé la temi espesifikamente EUA ho Xina.

Risku ne'e "bele hanesan ki'ik hela maibé hanesan real", nia afirma.

Ba líder mundial sira ne'ebé marka prezensa iha sede ONU nian, iha Nova Iorke, Guterres destaka katak risku hosi fratura ne'e mosu daudaun iha horizonte iha momentu ida hosi "tranzisaun ho disfunsaun hosi relasaun global sira hosi poder", hodi temi movimentasaun sira hodi kria sistema rival sira hosi Internet, finanseiru sira ho monetáriu sira, nune'e mós estratéjia jeopolítika sira ho militar sira.

Iha intervensaun ida ne'ebé halo iha lian tolu (inglés, fransés ho españól) no ne'ebé nia foka ona iha tema oioin, senáriu sira ho dezafiu sira ne'ebé marka atualidade global, sekretáriu-jeral ONU nian hatudu ona imajen hosi mundu ida ne'ebé hasoru, entre aspetu sira seluk, "krizi klimátiku" ida, "posibilidade alarmante" ida hosi konflitu ida iha Golfo, ameasaun ida hosi aumentu terorizmu nian no aumentu ida hosi dezigualdade.

Sesaun ba dala 74 hosi Asembleia-Jeral ONU nian, ne'ebé nia serbisu sira sei hala'o to'o Setembru tinan 2020, sei prezidi hosi diplomata nijerianu Tijjani Muhammad-Bande, ne'ebé asumi ona knaar anual ne'e iha semana liubá.

Debate jeral nia tema sentral maka uniaun hosi esforsu multilateral sira hodi halakon kiak, ba edukasaun ida ho kualidade, ba asaun klimátiku ida no ba inkluzaun.

Lusa

 


Comentários

Critério de publicação de comentários