Pájina aktualizada iha 22:40h, domingu 17 Novembru

Ordenamentu jurídiku Timor-Leste nian tama ona ba Baze Dadus Jurídiku Legis-PALOP

26 de Setembro de 2019, 22:57

Ordenamentu jurídiku Timor-Leste nian, hahú iha loron-kinta ne'e, ho lansamentu formal hosi plataforma iha Díli, halo parte ona iha Baze Dadus Jurídiku Legis-PALOP, instrumentu ne'ebé iha ona lejislasaun, jurisprudénsia ho doutrina hosi nasaun afrikanu luzófonu sira.


Legis-PALOP+TL, lansa formalmente iha loron-kinta ne'e hosi ministru Justisa timoroan, Manuel Cáceres da Costa, kontribui ba plataforma ho lejislasaun ho jurisprudénsia ne'ebé publika iha Timor-Leste iha dékada rua ikus, iha total ida hamutuk 3.500 hosi dokumentu legal sira, haktuir hosi komunikadu hosi institutu Camões ne'ebé hanesan jestor hosi Projetu Apoiu nian ba Konsolidasaun hosi Estadu Direitu iha PALOP ho Timor-Leste (PACED), ne'ebé apoia hosi Uniaun Europeia.

PACED nia objetivu sira maka "afirmasaun ho konsolidasaun" hosi Estadu Direitu iha PALOP ho Timor-Leste, nune'e mós prevensaun ho luta hasoru korupsaun, brankeamentu kapital nian ho kriminalidade organizadu liuliu tráfiku hosi droga sira ho nia intervensaun ne'ebé sentra iha "asaun sira ne'ebé destinadu hodi kapasita autoridade kompetente sira iha nível lejislativu, ezekutivu ho judisiáriu, promove interkámbiu ho fahe koñesimentu sira ho asaun di'ak sira", esplika iha komunikadu.

Projetu hahú iha Outubru tinan 2014 no aumenta ona to'o Dezembru tinan ne'e, ezekuta orsamentu global ida hamutuk euro millaun 8,4.

Atualiza loron-loron, Baze Dadus Legis-PALOP agora daudaun iha dokumentu jurídiku hamutuk rihun 60 resin, entre lejislasaun, jurisprudénsia ho doutrina, tau hamutuk ho versaun konsolidadu hosi kódigu sira ho lejislasaun prinsipal.

Plataforma identifika mós estadu vijénsia hosi diploma sira hosi Angola, Cabo Verde, Guiné-Bissau, Mosambike, São Tomé & Prínsipe no agora hosi Timor-Leste.

Ho utilizador hamutuk rihun 15 iha mundu tomak, ho ligasaun ba área sira jurídika, administrasaun públika, diplomasia, organizasaun internasional sira, área privadu ho mundu akadémiku, no seluk tan, plataforma hanesan gratuitu ba sumáriu sira hosi lejislasaun nian.

Asesu integral tenki iha subskrisaun, "nia folin fó ba sustentabilidade hosi unidade responsável sira ba manutensaun ho atualizasaun hosi Baze Dadus sira iha nasaun ida-idak".

Entre informasaun jurídika ne'ebé disponível, iha asaun normativu sira hotu ne'ebé publika dezde independénsia nasional sira to'o atualidade, akordu rihun resin hosi instánsia superior sira, doutrina ho dokumentu relevante sira ne'ebé halo hosi prokuradoria jeral repúblika sira nian, orden sira hosi advogadu nian no instituisaun akadémika sira, no disponibiliza mós jornal ofisial sira.

Utilizador sira hosi portal (www.legispalop.org) iha mós asesu ba glosáriu jurídiku ida ho tema hamutuk rihun lima resin.

Lusa

 


Comentários

Critério de publicação de comentários