Pájina aktualizada iha 22:40h, domingu 17 Novembru

Tráfiku ema nian hanesan forma krimi organizadu ne'ebé prezente liu iha Áfrika

27 de Setembro de 2019, 00:24

Tráfiku ema nian hanesan dalan hosi krimi organizadu ne'ebé prezente liu iha Áfrika, haktuir hosi relatóriu ida hosi projetu Enact, ne'ebé selu hosi Uniaun Europeia (UE), ne'ebé fó sai iha loron-tersa liubá.


Tuir edisaun dahuluk hosi "Índise hosi Krimi Organizadu hosi Enact - Hadi'a Resposta Áfrika nian ba Krimi Organizadu Transnasional", ho informasaun sira ne'ebé relasionadu ho tinan 2018, tráfiku ema nian aprezenta média ida hosi pontu 5,36 hosi kontinente afrikanu - iha esklara entre pontu ida to'o pontu sanulu -, sai nune'e hanesan dalan hosi krimi organizadu ne'ebé prezente liu iha teritóriu.

Iha pozisaun daruak, mosu krimi sira kontra animal (5,31) hanesan kasa ilegal, komérsiu ilegal ho tráfiku hosi animal sira ne'ebé hetan protesaun hosi CITES - Konvensaun kona-ba Komérsiu Internasional hosi Animal sira ho Ai-horis sira Selvajen ne'ebé Besik Lakon.

Krimi sira hasoru rekursu sira ne'ebé la renovável, hanesan hasai ilegal ka halo tráfiku ba mineral sira, reprezenta forma datoluk hosi krimi organizadu ne'ebé prezente tebes iha kontinente afrkanu, ho pontu 5,28 iha índise Enact nian.

Tráfiku arma sira nian (5,24) ho kanábis (5,17) hanesan dalan sira seluk hosi krimi organizadu ne'ebé prezente liu iha Áfrika no nia média kontinental sira ultrapasa pontu lima iha índise Enact nian.

Iha sentidu kontráriu, tráfiku kokaina hetan média ki'ik liu hosi índise Enact nian, ho pontu 3,40, tuor tráfiku heroina (3,94), tráfiku droga sintétika sira (4,02), krimi hasoru ai-horis (4.66) ho introdusaun klandestina hosi migrante sira (4,47).

Dalan sira ne'e hanesan selesionadu ba konstrusaun hosi índise Enact nian ne'ebé aleinde forma sira kriminalidade nian klasifika nasaun afrikanu sira ho baze iha indikador seluk, reziliénsia hasoru kriminalidade organizadu.

Indikador ne'e kalkula ho baze iha fator sira hanesan lideransa polítika ho governasaun, transparénsia governamental ho responsabilizasaun, koperasaun internasional, polítika sira ho lei nasional sira, sistema judisial ho detensaun, ezekusaun lei, integridade teritorial, sistema sira anti lavajen osan nian, ambiente hosi regulasaun ekonómiku, apoiu ba vítima sira ho sasin sira, prevensaun ho ajente sira ne'ebé la'ós estatal.

Índise kriminal iha pozisaun dahuluk okupa hosi Nijéria, ho pontuasaun 7,70, tuir Repúblika Demokrátika Kongo (RDKongo) ho pontu 7,29 ho Repúblika Sentru-Afrikanu (RCA) ho 6,86.

Valor sira ne'e hetan liuhosi kálkulu ho média entre forma sira kriminalidade nian ho ajente kriminal sira - hanesan grupu sira ne'ebé atua hanesan máfia, rede kriminal sira, ajente sira ne'ebé iha ligasaun ba estadu ka ajente kriminal estranjeiru sira.

Tuir nasaun tolu ne'e maka Sudaun-Súl (6,40), Somália (6,40), Sudaun (6,38), Líbia (6,26), Kosta do Marfim (6,23), Mali (6,20) ho Áfrika-Súl (6,16), sira hotu iha liu pontu neen iha índise hosi kriminalidade organizadu entre pontu ida to'o sanulu.

Iha parte seluk, São Tomé ho Prínsipe (1,88), Tunízia (3,26), Ruanda (3,34), Botsuana (3,34) ho Essuatíni (3,49) okupa pozisaun ikus liu iha tabela hosi kriminalidade organizadu iha Áfrika.

Indikador hosi reziliénsia, ne'ebé kalkula nível preparasaun hosi nasaun ida hodi hasoru ho kriminalidade organizadu, lidera hosi Cabo Verde, ne'ebé hetan pontuasaun ida ho pontu 6,54, ho Illa Maurísia (6,42) ho Maroko (6,33) kompleta lista.

Iha parte kontráriu, índise hosi Enact refere katak Somália (1,42), Sudaun-Súl (1,50), RCA (1,50), Burundi (1,88) ho RDKongo (1,96) hanesan nasaun sira ne'ebé ladún preparadu hodi kombate kriminalidade organizadu.

Maski nune'e, autori sira hosi índise refere katak iha "pontuasaun aas ida hosi reziliénsia la signifika katak nasaun iha nível ki'ik sira hosi krimi organizadu".

Publikasaun akresenta katak "bainhira nasaun ida iha nível ki'ik hosi krimi organizadu la signifika katak sei afetadu hosi nível aas sira hosi atividade kriminal organizadu", hodi temi ezemplu oioin.

Relatóriu ezemplifika ho kazu sira hosi Áfrika-Súl, ne'ebé hatudu kriminalidade maka'as ida(6,16) ho reziliénsia maka'as ida (5,58) ka Líbia, palku hosi kriminalidade maka'as (6,26) ho reziliénsia fraku (2.13).

Hatudu mós kazu hosi Guiné Ekuatorial, ho kriminalidade ki'ik (3,53) no reziliénsia ki'ik (2,04), ho Cabo Verde, ho kriminalidade organizadu ki'ik (3,74) no reziliénsia forte (6.54).

Lusa

 


Comentários

Critério de publicação de comentários