Pájina aktualizada iha 21:55h, kuarta-feira 20 Novembru

Timor-Leste husu análize finanseiru rigorozu ba aplikasaun di'ak hosi fundu sira

27 de Setembro de 2019, 23:26

Ministru Negósiu Estranjeiru Timor-Leste nian hatete iha loron-kinta ne'e iha ONU katak presiza análize finanseiru rigorozu sira hodi garanti atu fundu sira sei aplika iha projetu sira ne'ebé iha benefísiu sosial signifikativu.


Iha diálogu ho nível aas kona-ba Finansiamentu ba Dezenvolvimentu, promove iha loron-kinta ne'e hosi Asembleia-Jeral hosi ONU nian, Dionísio da Costa Babo Soares hatete katak mekanizmu rigorozu sira hosi análize finanseiru hanesan importante ba benefísiu hosi inisiativu sira ne'ebé promisor tebes hosi retornu iha sosiedade ho ekonomia.

Inisiativu sira ne'e tenki foka iha área importante sira hosi adaptasaun ba mudansa klimátiku sira no hamenus efeitu sira, enkoraja mós ba iha investidor sira hosi Timor-Leste, hatete hosi ministru.

Ajenda 2030 (hosi Objetivu sira Dezenvolvimentu Sustentável ONU nian) ho Ajenda hosi Asaun Adis Abeba (Ajenda 2063, defini hosi Uniaun Afrikanu) sai nesesáriu liután hodi harii planu ida hosi dezenvolvimentu sustentável global, haktuir hosi xefe diplomasia timoroan nian.

Timor-Leste hakarak atu komunidade internasional fó liu atensaun ba ekonomia hosi nasaun sira ne'ebé fraku liu hasoru dezastre natural sira, tanba katástrofe sira ne'ebé hanesan todan liu iha fatin espesífiku sira no ho rekursu oituan ba rekuperasaun.

Tuir xefe diplomasia timoroan, avaliasaun finanseiru hanesan dalan importante ida iha ekonomia nasaun nian no tenki reforsa mós iha ONU.

Ministru Negósiu Estranjeiru ho Koperasaun subliña mós katak sistema finanseiru global tenki respeita espesifisidade sira hosi nasaun ida-idak no labele obriga kondisaun sira iha lójika hosi "tamañu úniku", hodi hatutan katak solusaun sira tenki hetan iha dalan inovador sira.

Iha abertura hosi diálogu ba Finansiamentu Sustentável, sekretáriu-jeral ONU nian, António Guterres, afirma ona katak finansiamentu hosi objetivu sira dezenvolvimentu sustentável nian hosi Ajenda 2030 hanesan "teste ida hosi ita nia sosiedade" ho futuru.

António Guterres subliña mós katak Estadu insular ki'ik sira ne'ebé iha tusan maka'as luta daudaun ho folin ne'ebé aas tebes hosi devastasaun sira ne'ebé mosu hosi fenómenu klimátiku sira.

Sekretáriu-jeral defende ona katak fundu mundial sira tenki aplika iha projetu sira ne'ebé sustentável liu, inklui liuhosi dalan sira hosi finansiamentu inovador sira.

Lusa

 


Comentários

Critério de publicação de comentários