Pájina aktualizada iha 03:13h, kuarta-feira 21 Novembru

Dilma Rousseff husu apoiu ba España hodi liberta Lula da Silva

30 de Setembro de 2019, 20:50

Antiga Prezidente Brazil nian Dilma Rousseff husu ona iha loron-domingu ne'e apoiu hosi partidu polítiku sira, sindikatu sira ho sosiedade sivil española hodi konsege libertasaun hosi eis-Prezidente Lula da Silva no akuza ona Governu atual hodi manipula lia-loos.


"Lula hanesan inosente... Iha demokrasia ne'e, vítima dahuluk maka lia-loos", afirma hosi Dilma Rousseff durante nia partisipasaun iha komemorasaun sira tinan 130 hosi UGT iha Madrid, ne'ebé nia protagoniza ona demonstrasaun ida apoiu nian ba Lula da Silva.

Dilma Rousseff agradese ona apoiu UGT nian - Uniaun Jeral hosi Traballador sira no hosi nia sekretáriu-jeral, Pepe Álvarez, ne'ebé maka ajenda hela vizita ida, iha loron 10 Outubru, hodi vizita Lula da Silva iha kadeia.

Antiga Prezidente brazileira repete fali katak Prezidente Jair Bolsonaro partisipa ona iha golpe Estadu ida ne'ebé disfarsadu, hasoru posível regresu ida hosi Lula da Silva nian ba poder maski "laiha tanke sira iha estrada sira".

Bolsonaro nia golpe Estadu halo ona ho atake "progresivu sira hasoru demokrasia, ba sistema judisial no ba sistema parlamentar sira", nia defende.

"Ami hasoru hela padraun ida oinseluk hosi golpe Estadu nian, ho dalan seluk no asaun seluk", nia hatete hodi alerta katak Brazil hasoru hela neofasizmu ne'ebé maka aumenta daudaun no ajenda neoliberal nian.

Rousseff akuza mós Governu atual hodi la proteje direitu sira hosi traballador sira no dedika halo reforma laboral sira ne'ebé "todan" no "desnasionaliza" empreza públika sira.

Tuir Dilma Rousseff, Bolsonaro hakarak fa'an Petrobras, empreza ne'ebé, tuir nia opiniaun hanesan "osan-mean Brazil nian", tanba konsege halo ona teknolojia rasik hodi hetan petróleu ho kualidade aas, subliña katak ne'e akontese ona durante nia mandatu no mandatu Lula da Silva nian.

Rousseff akuza mós Bolsonaro hodi "estraga arbiru" Amazonia hodi "fa'an ai" no lembra katak "Brazil lahó Amazónia la'ós Brazil".

Visi-primeira-ministra española, Carmen Calvo, ne'ebé taka ona jornada sira aniversáriu UGT nian, admiti ona katak Governu Madrid nian "preokupadu hela ho progresu hosi diskursu sira hosi extrema direita iha nasaun tomak iha mundu no mós iha Brazil".

Carmen Calvo dezeja ona ba antiga Prezidente Brazil nian "sorte maka'as no ánimu barak ba serbisu ne'ebé nia halo ba nia nasaun".

Lusa

 


Comentários

Critério de publicação de comentários