Pájina aktualizada iha 03:13h, kuarta-feira 21 Novembru

Iha tinan haat nia laran ezérsitu rusu oho ona ema sivil na'in 8.000 resin iha Síria, haktuir ONG

30 de Setembro de 2019, 22:04

Pelumenus ema sivil na'in 8.289 maka mate ona, iha tinan haat ikus ne'e, vítima hosi kampaña rusu ne'ebé apoia prezidente síriu, Bashar al Assad, informa hosi Observatóriu Síriu ba Direitu Ema nian iha loron-segunda ne'e.


Iha tinan rua ikus ne'e, ema besik na'in 19.018 mate ona iha atake rusu sira nian no, hosi total ne'e, 43,6% hanesan ema sivil, afirma hosi ONG ne'e.

Tuir fonte hanesan, ema sivil na'in 1.997 ne'ebé mate hanesan tinan ki'ik.

ONG hatutan ona katak asaun rusu sira oho ona 'jihadista sira' hamutuk 5.244 hosi grupu extremista Estadu Islámiku (EI) durante tinan rua ikus, no na'in 5.458 ne'ebé mate hanesan kombatente sira hosi Organizmu Libertasaun Levante nian, grupu ne'ebé inklui iha eis-filial síriu Al-Qaeda nian, no grupu islamita sira seluk.

Hahú hosi loron 30 Setembru 2015 maka Rúsia, aliadu hosi rejimi Damasku nian, halo kampaña ida hosi bombardeamentu sira iha Síria hodi apoia ezérsitu nasional, uza baze hosi Hamimim, iha provínsia Latakia no domíniu hosi Al Assad, hanesan plataforma hosi lansamentu ba nia atake sira hasoru parte sira seluk iha nasaun.

Baze Hamimim hetan beibeik atake sira hosi revoltozu sira ne'ebé uza drone sira.

Agora daudaun, Rúsia kombate hamutuk ho ezérsitu sira ne'ebé iha lealdade ba Bashar al Assad ne'ebé sira bolu hanesan "terorista" iha noroeste Síria nian, liuliu iha provínsia sira Idlib, iha norta Hamã nian no Latakia no iha oeste Alepo.

Ofensiva agora hanesan paralizadu, bainhira tropa síriu sira ho rusu sira kontrola zona sira ne'ebé konkista ona hosi grupu revoltozu sira dezde hahú operasaun militar ne'e iha loron 30 Abril no, maski iha pedidu sesar-fogu iha fulan ida liubá, rusu sira bombardea nafatin zona sira iha noroeste nasaun nian, haktuir hosi rejistu EBC nian.

Rúsia ho Turkia halo ona akordu ida iha fulan-Setembru ne'ebé hatete katak ezérsitu hosi nasaun ida-idak sei superviziona zona iha noroeste Síria nian, akordu ne'ebé hetan violasaun dezde nia asinatura.

Lusa

 


Comentários

Critério de publicação de comentários