Pájina aktualizada iha 21:57h, kuarta-feira 20 Novembru

Hasai ona pelumenus ema na'in 3.000 hafoin violénsia maka'as iha Papua indonéziu

30 de Setembro de 2019, 22:54

Hasai ona pelumenus ema na'in 3.000 no na'in 8.000 seluk hein atu sai hosi provínsia Papua, iha Indonézia, hafoin violénsia maka'as ida ne'ebé halo ema na'in 33 mate, haktuir hosi Ezérsitu iha loron-segunda ne'e.


Prosesu evakuasaun hala'o hela iha aviaun militar sira hosi sidade Wamena, episentru hosi konflitu sira, to'o Jayapura, kapital hosi provínsia Papua nain, rejiaun ne'ebé ajitasaun sivil aumenta ona dezde Agostu no iha dékada barak nia laran maka moris ho konflitu ida independénsia nian.

Tuir Eko Daryanto, porta-vós hosi Forsa Armada sira Papua nian, maioria hosi deslokadu sira ho vítima mortal sira, liu na'in 20, hanesan emigrante sira hosi provínsia sira seluk ne'ebé sofre ona parte aat liu hosi violénsia, hafoin labele sai iha inséndiu sira ne'ebé maka sunu ona sira nia uma ho loja sira iha Wamena.

"Susar boot liu ba vítima sira maka sira nia sasán, labele fila, nune'e maka Governu sira (provínsia sira) hanesan úniku ne'ebé maka bele ajuda sira sai hosi Papua", afirma hosi Daryanto ba ajénsia notísia Efe iha konversa ida liuhosi telefone.

Protestu sira iha Wamena no iha parte sira seluk iha Papua hahú iha loron 23 Setembru, hafoin espalla notísia katak estudante ida hosi ensinu sekundáriu simu insultu rasista sira hosi nia profesor.

Tuir ativista sira hosi rejiaun, forsa seguransa sira uza ona arma fogu sira bainhira protestu sira hahú sai violentu.

Iha loron 23 Setembru, soldadu na'in id aho ema sivil na'in tolu mate ona, iha Jayapura, iha konfrontu sira entre estudante sira ho forsa seguransa sira, ne'ebé kaer ona ema na'in 700 resin.

Amnistia Internasional denunsia impunidade hosi Forsa Armada sira iha kazu hosi asasíniu iha Papua nune'e mós limitasaun hosi asesu ba jornalista sira ho akadémiku estranjeiru sira.

Dezde loron 19 Agostu, fatin barak iha Papua asisti manifestasaun sira, balun hamosu estraga no sunu edifísiu sira no konfrontu ho polísia.

Ajitasaun hahú hodi hatán ba insidente rasista sira hasoru estudante sira hosi Papua iha Surabaya, sidade boot daruak iha Indonézia iha illa Java, no relansa mós pedidu sira ba referendu ida ba independénsia.

Lusa

 


Comentários

Critério de publicação de comentários