Pájina aktualizada iha 21:57h, kuarta-feira 20 Novembru

Iha orden atu kaer luzu-guiniense ho kolombianu tanba tráfiku droga nian iha Guiné-Bissau

30 de Setembro de 2019, 23:24

Interpol hasai ona orden hosi kaptura internasional ba luzu-guiniense na'in ida ho kolombianu na'in ida ne'ebé deskonfia halo tráfiku droga iha Guiné-Bissau iha ámbitu hosi operasaun "Navarra", ne'ebé rezulta iha aprensaun kokaína ho kuaze tonelada rua.


"Lansa ona alerta mean ba kaptura internasional via Interpol ba líder prinsipal na'in rua hosi organizasaun, ne'ebé agora daudaun seidauk kaer, Braima Seide Bá, ho nasionalidade guiniense ho portugeza, ho Ricardo Ariza Monges (kolombianu)", refere iha informasaun ida hosi serbisu Polísia Judisiáriu nian, ne'ebé maka Lusa iha asesu.

Ministériu Públiku guiniense anunsia ona iha loron-sesta katak prosede ona ba akuzasaun hosi ema na'in 12 ho nasionalidade oioin no empreza guiniense tolu iha ámbitu hosi Operasaun Navarra, ne'ebé iha fulan-Setembru rezulta ona ba prende kokaína kuaze tonelada rua no sasán material sira seluk, tanba deskonfia prátika hosi krimi tráfiku droga nian, asosiasaun kriminozu ho brankeamentu kapital sira.

Aleinde droga, PJ hahú mós investigasaun patrimonial ho finanseiru ida tanba "indísiu sufisiente sira hosi brankeamentu kapital sira", prende ona karreta 17, osan, sasán sira ho lanxa lalais ida.

Iha dokumentu, Polísia Judisiária refere mós katak "hanesan organizasaun kriminozu transnasional ida ne'ebé maka ativa lalais ba koperasaun internasional" no ne'ebé ajuda ona iha investigasaun ekipa ida hosi Interpol, kompostu hosi elementu sira hosi Kolómbia, Brazil, Fransa ho Guiné-Konakri, ho Departamentu hosi Seguransa Interna ho DEA (Drug Enforcement Administration) hosi Estadus Unidus.

Iha inísiu fulan-Setembru prende ona kokaína kuaze tonelada rua, iha norte nasaun nian, hanesan rekord foun ida hosi istória Guiné-Bissau nian.

Lusa

 


Comentários

Critério de publicação de comentários