Pájina aktualizada iha 21:57h, kuarta-feira 20 Novembru

Prezidente xinés promete respeita autonomia Hong Kong nian

30 de Setembro de 2019, 23:45

Prezidene xinés, Xi Jinping, promete iha loron-segunda ne'e hodi kontinua respeita autonomia Hong Kong nian, iha momentu ne'ebé maka sidade sai hanesan palku hosi protestu sira pró-demokrasia nian, ne'ebé ameasa aumenta durante selebrasaun hosi Loron Nasional Xina nian.


Xefe Estadu xinés ko'alia bainhira hakotu resepsaun ida iha Pekin, antes selebra tinan 70 dezde fundasaun hosi Repúblika Popular Xina nian.

Xi Jinping promete respeita nafatin prinsípiu "nasaun ida, sistema rua", ne'ebé garanti ona ba antigu kolónia británika nível ida hosi grau autonomia nian, nível ezekutivu, lejislativu ho judisiáriu.

"Ami sei respeita maka'as ho sinseramente (...) nível aas autonomia" hosi teritóriu nian no "ami sei halo asaun tuir ho Konstituisaun (xineza) ho Lei Báziku" Hong Kong nian, afirma hosi Xi.

Polísia Hong Kong nian alerta ona iha loron-segunda ne'e katak sidade bele hasoru situasaun ida perigu nian iha loron-tersa, tanba halo hela planu ba protestu pró-demokrasia foun sira ba tinan 70 hosi fundasaun hosi Repúblika Popular Xina nian.

"Ami kalkula katak situasaun aban (loron-tersa) sei hanesan perigozu tebes", hatete hosi responsável prinsipal polísia nian, John Tse, ba jornalista sira.

"Manifestante radikal sira aumenta daudaun nia nível violénsia nian. Profundidade ho amplitude hosi nia violénsia ho nia planu sira hatudu katak sira envolve maka'as iha asaun sira terorizmu nian", Tse akuza.

Lusa

 


Comentários

Critério de publicação de comentários