Pájina aktualizada iha 21:55h, kuarta-feira 20 Novembru

ONU eziji atu Guiné Konakri aselera julgamentu hosi responsável sira ba masakre 2009 nian

01 de Outubro de 2019, 22:32

Komisária Aas hosi ONU nian ba Direitu Ema nian apela ona, iha semana liubá, ba autoridade sira hosi Guiné Konakri hodi aselera julgamentu hosi alegadu autor sira hosi masakre ida ba elementu sira hosi opozisaun polítika iha estádiu ida iha tinan 2009.


"Impunidade reina iha kleur ona iha Guiné no impede atu fitar sira hosi vítima sira nian bele kura. Dame ho rekonsiliasaun ne'ebé dura kleur sei la hetan to'o hetan justisa ho responsabilidade", hatete hosi Michelle Bachelet iha komunikadu ida ne'ebé fó sai iha semana liubá.

Iha loron 28 Setembru 2009, forsa sira defeza ho seguransa nian ho pesoal militar baku ona, sona ona, tiru ona no oho ona opozitor sira hosi rejimi militar, ne'ebé maka halibur iha estádiu boot Konakri nian hodi eziji atu autoproklamadu prezidente dezde fulan-Dezembru 2008, Moussa Dadis Camara, labele kandidata ba eleisaun prezidensial sira tuirmai.

Investigasaun hosi masakre taka ona iha tinan 2017 nia rohan maibé loron julgamentu seidauk fiksa ida.

Komisaun Internasional Inkéritu ida nomeadu hosi ONU determina ona, iha Dezembru 2009, katak atake "halo ona pelumenus ema na'in 156 mate no lakon, inklui númeru ida hosi feto sira ne'ebé mate hanesan rezultadu hosi agresaun seksual violentu sira", lembra hosi Komisariadu Aas ONU nian ba Direitu Ema nian (ACNUDH) iha deklarasaun ne'ebé fó sai iha semana liubá, bainhira asinala tinan 10 hafoin masakre.

Komisaun konklui mós katak masakre ne'e konstitui "krimi ida hasoru humanidade" no funsionáriu guiniense oioin, inklui Moussa Dadis Camara, hanesan ema sira ne'ebé responsável kriminalmente.

"Maski Komisaun Inkéritu nian rekomenda iha kuaze tinan 10 atu autoridade guiniense sira halo julgamentu ba responsável sira no kompensa vítima sira, progresu konkretu oituan maka halo to'o agora", afirma hosi Bachelet, hodi apela ba autoridade sira hodi "aselera organizasaun julgamentu nian", tuir ajénsia notísia AFP.

"Prosesu judisial sira ne'e hein kleur ona - bainhira no oinsá maka akontese duni - tenki asegura responsabilizasaun hosi ema sira ne'ebé envolvidu, hanesan interese hosi vítima sira no mós hosi reforsu Estadu direitu iha nasaun tomak", nia afirma.

Lusa

 


Comentários

Critério de publicação de comentários