Pájina aktualizada iha 21:53h, kuarta-feira 20 Novembru

EUA ho Koreia-Norte hahú fali diálogu ba desnuklearizasaun iha loron-sesta

02 de Outubro de 2019, 00:05

Koreia-Norte ho EUA hahú fali diálogu kona-ba desnuklearizasaun iha loron-sesta, liutiha fulan ualu hosi suspensaun no veraun ida ne'ebé marka ho tensaun tanba teste arma sira hosi Pyongyang, anunsia hosi fonte ofisial norte-koreanu iha loron-tersa ne'e.


Rejimi norte-koreanu anunsia regresu ba meza negosiasaun nian liuhosi komunikadu badak ida, divulga hosi ajénsia notísia estatal KCNA, hodi garanti katak nia reprezentante sira "prontu hela" ba negosiasaun bilateral sira.

Koreia-Norte ho Estadus Unidus "konkorda hodi mantén kontaktu preliminar ida iha loron 04 Outubru no mantén reuniaun serbisu ida iha loron 05 Outubru", haktuir hosi testu ne'ebé asina hosi visi-ministra hosi Negósiu Estranjeiru Koreia-Norte nian, Choe Son-hui.

"Ha'u hein katak reuniaun sira serbisu nian aselera dezenvolvimentu pozitivu hosi relasaun sira entre RPDC (Repúblika Popular Demokrátika Koreia nian) ho EUA", hatete hosi visi-ministra ne'ebé la identifika fatin hodi hala'o kontaktu sira ne'e.

Iha komunikadu ne'ebé publikadu hafoin kedas anúnsiu ne'e, Governu súl-koreanu felisita reuniaun imediatu ne'e no hatete katak hein "atu negosiasaun prátika sira bele hahú lalais iha prosesu hosi desnuklearizasaun kompletu no iha konstrusaun hosi dame ida ne'ebé dura kleur iha península Koreia nian".

Pyongyang hatudu, foin lalais ne'e, nia intensaun hodi hahú fali diálogu ho Washington, hafoin períudu ida tensaun nian ne'ebé marka ho lansamentu sira hosi projektil sira hanesan protestu hasoru manobra militar hamutuk sira ne'ebé halo hosi ezérsitu hosi Estadus Unidus ho Koreia-Súl, ne'ebé norte-koreanu sira konsidera hanesan simulasaun ida invazaun nian.

Iha semana liubá, Prezidente norte-amerikanu, Donald Trump, até hanoin posibilidade ba reuniaun foun ida ho líder norte-koreanu, Kim Jong-un, ba tinan ne'e.

Líder na'in rua hasoru malu ona iha Hanói iha Fevereiru liubá, iha kalan ida nakonu ho tensaun ne'ebé hakotu derepente no lahó akordu no hanesan arma ida hodi hapara negosiasaun sira kona-ba desnuklearizasaun hosi rejimi norte-koreanu.

Iha Juñu, Trump ho Kim hasoru malu fali iha fronteira entre Koreia rua, iha reuniaun informal ida ne'ebé sira konkorda ona hapara destrava diálogu no hahú fali enkontru sira serbisu nian, asaun ne'ebé bele akontese iha final semana ne'e.

Jestu rekonsiliadu sira ne'ebé hatudu hosi Washington ho Pyongyang hamosu espetativu sira katak hosi negosiasaun sira sei sai iha tempu badak kompromisu foun sira.

Iha loron-segunda ne'e, eis-konselleiru hosi seguransa sosial Estadus Unidus nian, John Bolton, alerta ona durante palestra ida iha Sentru Estudu Estratéjiku sira ho Internasional sira (CSIS), iha Washington, nia intervensaun públika dahuluk hafoin hetan espulsaun hosi White House, katak Koreia-Norte la foti "desizaun estratéjiku hodi husik arma nuklear sira".

Eis-konselleiru hosi seguransa nasional hatete katak, iha sirkunstánsia atual sira, Pyongyang sei la husik arma sira "ho dalan voluntáriu" no prioridade hosi líder norte-koreanu maka alivia kastigu ekonómiku internasional sira ne'ebé maka nia nasaun hasoru liuliu tanba nia teste atómiku sira ho misil balístiku sira.

Lusa

 


Comentários

Critério de publicação de comentários