Pájina aktualizada iha 21:57h, kuarta-feira 20 Novembru

Timor-Leste garanti respeitu ho protesaun ba direitu hosi empreza petrolíferu "offshore" sira

04 de Outubro de 2019, 00:12

Primeiru-ministru garanti ona iha loron-kinta ne'e, iha Díli, katak direitu sira hosi empresa sira ne'ebé iha atividade sei hetan protesaun ho respeitu ho tranzisaun hosi zona dezenvolvimentu petrolíferu ba jurisdisaun exkluzivu Timor-Leste nian.


"Ba sira ne'ebé maka investe hela iha esplorasaun ho produsaun hosi ami nia rekursu petrolíferu 'offshore' sira, ha'u hakarak garanti katak imi nia atividade sira bele no sei kontinua lahó susar sira, iha perídu hafoin tranzisaun hosi antiga Área Konjuntu hosi Dezenvolvimentu Petrolíferu nian (koñese ho naran JPDA) ba jurisdisaun exkluzivu Timor-Leste nian", hatete hosi Taur Matan Ruak.

Xefe Governu ko'alia iha loron-kinta ne'e durante Simeira dahuluk hosi Petróleu ho Gás Timor-Leste nian, ne'ebé halibur, iha Díli, espesialista timoroan sira ho estranjeiru sira, profisional sira ho empreza sira hosi área hodi debate no aprezenta oportunidade sira ne'ebé nasaun oferese iha área ne'e.

"Foin lalais ne'e Governu aprova ona pakote lejislativu ida ne'ebé destina hodi garanti tranzisaun suave ho efisiente ida, hodi respeita no proteje imi nia direitu tomak ho espetativu lejítimu sira", nia hatutan.

Deklarasaun sira hosi Taur Matan Ruak mosu iha kontestu hosi asinatura hosi Tratadu foun hosi Fronteira Tasi sira nian ho Austrália ho dezenvolvimentu konjuntu entre nasaun rua hosi kampu sira gás Greater Sunrise nian.

"Ita agora iha inísiu hosi tempu foun ida iha relasaun entre Timor-Leste ho Commonwealth Austrália, ne'ebé promete ho iha potensial hodi hamosu futuru di'ak ida hosi moris di'ak ba ita nia sidadaun sira ho diversifika Timor-Leste nia ekonomia", nia konsidera.

"Projetu Greater Sunrise ne'ebé ne'ebé promete hakarak hahú kedas iha inísiu 2020 no nune'e sei laiha ona paralizasaun ne'ebé maka hasoru kleur ona", nia hatutan.

Ba Taur Matan Ruak, koperasaun ho prazu naruk entre Timor-Leste ho empreza internasional oioin "estabelese ona baze di'ak ida ba dezenvolvimentu hosi indústria petrolíferu iha Timor-Leste" no "dalan di'ak ida ba ema sira foun ne'ebé foin to'o iha área ne'e, no ne'ebé agora daudaun hala'o operasaun esplorasaun nian" hanesan Timor Resources, Carnarvon, ka Empreza Nasional hosi Petróleu timoroan nian.

Xefe Governu adianta mós katak "aprova ona alokasaun hosi bloku foun hamutuk 18 ba atividade petrolíferu sira. Bloku hitu lokaliza iha rai (onshore) no bloku 11 lokaliza iha tasi (offshore) iha zona exkluzivu Timor-Leste nian".

"Iha tempu badak, sei lansa no lori prosedimentu sira hosi lisitasaun públika hosi Autoridade Nasional hosi Petróleu ho Mineral (ANPM), ne'ebé hanesan reguladora hosi área petróleu", nia hatutan.

Nune'e, Matan Ruak konvida ona "ema tomak" hodi partisipa iha ronda lisensiamentu sira nian, ne'ebé tuir nia hatete, akontese liuhosi dékada ida dezde lisensiamentu petrolíferu dahuluk sira hosi 2005/2006.

Matan Ruak destaka ona katak Governu halo hela reforma lejislativu ida "sériu ho maka'as", hodi "moderniza kuadru jurídiku ne'ebé iha no aliña ho sistema jurídiku sira ne'ebé di'ak liu iha mundu", medida ne'ebé nia konsidera "importante hodi kria konfiansa ho proporsiona estabilidade ho seguransa jurídika ba investimentu estranjeiru sira".

íder ezekutivu subliña "papel importante ne'ebé petróleu iha nafatin iha dezenvolvimentu ho moris di'ak nasaun nian" no lembra katak Konstituisaun Timor-Leste nian "obriga expresamente Estadu hodi uza rekursu natural sira, garanti repartisaun justu ho hanesan ida, haktuir supremu interese nasional".

"Klaru, Timor-Leste hanesan abensoadu ho rezerva signifikativu petróleu nian, parte importante ida ne'ebé maka seidauk hetan esplorasaun. Governu ne'e kompromete total hodi asegura atu ita nia bénsaun sai hanesan fonte hosi oportunidade sira no nunka transforma ba maldisaun ida", nia hatete.

"Maibé, susesu iha kumprimentu hosi mandatu konstitusional eziji atu Governu serbisu hamutuk no besik ho investidor sira, atrai empreza foun sira, inisiativu sira ho parseria sira dezenvolvimentu nian", nia hakotu.

Tratadu foun kona-ba fronteira tasi nian entre Austrália ho Timor-Leste hahú hala'o iha 30 Agostu.

Akordu haree ba rejimi tranzitóriu ida entre tratadu anterior ne'ebé hala'o iha Tasi Timor ba tratadu foun hosi fronteira tasi nian, ne'ebé pasa rekursu sira iha área oioin esplorasaun hosi jurisdisaun australianu nian ka konjunta ba jurisdisaun timoroan.

Pakote hosi dokumentu sira inklui Kontratu foun lima hosi Partilla Produsaun (PSC, iha lian inglés), akordu ida kona-ba fahe informasaun iha área tributáriu no memorandu entendimentu rua iha área.

Lusa

 


Comentários

Critério de publicação de comentários