Pájina aktualizada iha 22:40h, domingu 17 Novembru

Institutu Camões sei kofinansia projetu hamutuk 35 ho osan 1,87 ME

04 de Outubro de 2019, 22:17

Camões - Institutu Koperasaun ho Lian nian sei finansia projetu hamutuk 35 iha nasaun sia, iha investimentu ida hamutuk euro millaun 1,87 ba tinan haat, organizmu ne'e anunsia iha loron-sesta ne'e.


Projetu hamutuk 35 hili ona entre total ida hamutuk 54 ne'ebé submetidu no sei "permiti dezenvolvimentu hosi projetu plurianual sira hosi 15 ONGD (organizasaun sira ne'ebé la'ós governu nian ba dezenvolvimentu]", refere hosi nota ida hosi instituisaun ne'ebé haruka ba Lusa iha loron-sesta ne'e.

Projetu selesionadu sira inklui área sira hanesan kapasitasaun institusional (projetu hamutuk 11), dezenvolvimentu rural ho tasi (sia), protesaun sosial, inkluzaun sosial ho serbisu (neen), edukasaun ho siénsia (lima), saúde (tolu) ho ambiente, kresimentu verde ho enerjia (ida).

Inisiativu sira ne'ebé selesionadu fahe liuhosi Mosambike ho São Tomé & Prínsipe (projetu sira ba nasaun ida-idak), Guiné-Bissau (ualu), Cabo Verde (tolu), Angola (rua) ho Timor-Leste, Kuba, Nikarágua ho El Salvador (projetu ida ba nasaun ida-idak).

Entre ONGD sira ne'ebé hili iha Asosiasaun ba Koperasaun entre Povu sira (ACEP), Asisténsia Médiku Internasional (AMI), Asosiasaun hosi Defeza Patrimónia Mértola (ADPM), Oikos-Koperasaun ho Dezenvolvimentu, Fundasaun Fé ho Koperasaun (FEC) ho Girl Move.

Liña kofinansiamentu hosi projetu sira koperasaun nian ba dezenvolvimentu hosi Camões-Institutu Koperasaun ho Lian nian harii iha tinan 2001 no iha referénsia ba polítika sira dezenvolvimentu nian hosi nasaun parseiru sira, nune'e mós kontribuisaun ba kumprimentu hosi Objetivu sira Dezenvolvimentu Sustentável nian (Ajenda 2030 hosi ONU).

Lusa

 


Comentários

Critério de publicação de comentários