Pájina aktualizada iha 21:51h, kuarta-feira 20 Novembru

Komité ONU nian ba labarik preokupadu ho violénsia hasoru labarik-ki'ik sira iha Mosambike

05 de Outubro de 2019, 00:00

Komité hosi ONU ba Direitu Labarik sira nian hatudu preokupasaun ho violénsia hasoru labarik-ki'ik sira iha Mosambike, rekomenda lejislasaun ho medida administrativu sira ne'ebé bele hamenus ofensa sira hasoru grupu etáriu ne'e, haktuir hosi dokumentu ne'ebé divulga iha loron-kinta ne'e.


Komité harre "ho preokupasaun maka'as uzu maka'as hosi kastigu korporal sira" hasoru labarik-ki'ik sira iha Mosambike, afirma katak tenki konsidera hanesan prioritáriu "bandu explísitu ida, liuhosi medida lejislativu sira ho administrativu sira".

Ba grupu serbisu nian, ne'e implika bandu hosi kastigu korporal sira "iha kontestu tomak, inklui iha uma, iha eskola sira" no iha fatin sira seluk hanesan krexe.

Iha aspetu ne'e, komité defende mós "fortalesimentu hosi esforsu sira ba formasaun hosi aman-inan sira, profesor sira ho prifisonal sira ne'ebé serbisu ho labarik-ki'ik sira" kona-ba "dalan sira disiplina ho respeitu" ne'ebé la violentu.

Pozisaun hosi komité konsisti iha observasaun final sira hosi relatóriu periódiku datoluk ho dahaat hosi Mosambike hosi grupu serbisu ne'e, rezulta hosi reuniaun sira ne'ebé hala'o iha Jenebra, iha kinzena dahuluk Setembru nian no adopta ona iha final fulan hanesan.

Iha dokumentu hanesan, komité hatudu preokupadu mós ho "relatu sira ho diskriminasaun ne'ebé labarik sira ho albinizmu" hasoru iha Mosambike.

Ba grupu serbisu hosi ONU ne'e, solusaun liuhosi "haruka problema sira ne'ebé iha baze hosi diskriminasaun" hodi bele "asegura atu labarik sira ho albinizmu bele hetan sira nia direitu lahó diskriminasaun".

Aleinde kampãna sira sensibilizasaun nian, komité sujere mós atu Estadu mosambikanu tenki "prevene ho kombate asasinatu sira, mutilasaun sira, naok ho atake hasoru labarik sira ho albinizmu", defende administrasaun hosi apoiu psikolójiku, reabilitasaun ho asisténsia legal, nune'e mós responsabilizasaun ba autor sira krimi ódiu nian.

Komité defende mós prevensaun, monitorizasaun ho akompañamentu hosi vítima sira hosi violénsia doméstika.

Konkluzaun ikus sira sujere ona ba Governu mosambikanu aposta ida iha formasaun hosi juís sira, prokurador sira, polísia sira ho funsionáriu sira hosi serbisu sosial sira hodi identifika kazu sira violénsia doméstika nian hasoru labarik sira.

Dokumentu destaka mós "asaun prejudisial sira", nune'e mós taxa aas hosi kazamentu infantil sira ho prátika hosi "ritual hosi inisiasaun nian hosi labarik-feto sira".

ONU felisita esforsu sira hosi Governu Mosambike nian hodi hadi'a serbisu sira rejistu moris nian, liuhosi introdusaun hosi sistema eletróniku ida, nune'e mós reforsu hosi asesu ba bee-moos ho saneamentu, hamenus taxa sira hosi labarik subnutridu sira ho mortalidade infantil.

Lusa

 


Comentários

Critério de publicação de comentários