Pájina aktualizada iha 23:04h, domingu 20 Outubru

Iha tempu badak Governu haruka Orsamentu tinan 2020 ba Parlamentu Nasional

07 de Outubro de 2019, 22:15

Governu hanoin atu haruka ba parlamentu, iha semana hirak tuirmai, Orsamentu Jeral Estadu (OJE) tinan 2020 nian, boot tebes, indika hosi fonte sira hosi Ministériu Finansa nian.


Konta públika, ne'ebé aprova iha Konsellu Ministru sira, ho valor dolar biliaun 1,95 reprezenta aumentu ida liu dolar millaun 300 resin bainhira kompara ho limiti hosi despeza sira ne'ebé aprova antes hosi Governu, no ikusmai hetan koresaun maka'as hosi Komité Revizaun ba Polítika Orsamental.

Parte boot hosi OJE tinan oinmai, ho kuaze dolar millaun 738, dedika ba kategoria hosi "sasán ho serbisu" sira ne'ebé rejista aumentu ida hosi 60% bainhira kompara ho orsamentu iha tinan 2019.

Tuir kapital dezenvolvimentu nian, ne'ebé aumenta 14% ba millaun 459, transferénsia públika sira ne'ebé aumenta 27% ba millaun 458, saláriu sira ne'ebé iha aumentu ida 12% ba millaun 241 no, ikusmai, kapital menor ne'ebé aumenta 47% ba millaun 53.

Governu esplika ona katak folin total hakarak alarga nesesidade sira hosi programa ho prioridade nasional sira ne'ebé defini hosi Governu Konstitusional daualuk.

Ministra interina hosi Finansa rasik, Sara Lobo Brites, hatete katak folin ne'e revistu ona hafoin analiza tiha proposta tomak ne'ebé aprezenta hosi Ministériu oioin ho instituisaun oioin Estadu nian.

Folin aas hosi despeza ne'ebé defini hosi Governu ba tinan 2020 - no ne'ebé tenki liuhosi filtru Parlamentu ho Prezidénsia Repúblika - aprova ona iha momentu ne'ebé ezekusaun hosi konta públiku tinan ne'e sei iha nível sira ne'ebé ki'ik tebes.

To'o final hosi hosi trimestre datoluk, Estadu timoroan gasta de'it osan ituan hosi metade OJE tinan 2019 nian, haktuir hosi Portal Transparénsia nian hosi Ministériu Finansa Timor-Leste.

Iha konkretu, no tuir folin sira ne'ebé maka Lusa konsulta, Estadu gasta besik dolar millaun 736,44, ne'ebé hosi millaun 634,2 resin maka selu ona (ka 42,8% de'it).

Hosi parte reseita nian - la'ós petrolíferu - folin ezekusaun nian ronda iha 84,6% iha final hosi trimestre datoluk, falta ba Estadu kobra millaun 30,5 resin hosi folin ne'ebé prevista antes hosi millaun 198 resin.

Análize ida detalladu liu hatudu katak nível sira ki'ik liu hosi ezekusaun maka hosi kapital menor (35,2% hosi ezekusaun) ho kapital dezenvolvimentu nian (41,7% de'it).

Lusa

 


Comentários

Critério de publicação de comentários