Pájina aktualizada iha 00:57h, kinta-feira 06 Dezembru

Serbisu infantil abranje 16% resin hosi labarik timoroan sira

07 de Outubro de 2019, 22:36

Kuaze labarik rihun 68 ho idade entre tinan lima to'o tinan 17, ka 16,1% hosi total, maka hanesan "ekonomikamente ativu" iha zona rural sira ho urbanu sira Timor-Leste nian, ho parte boot envolve iha serbisu perigozu sira, haktuir estudu ida ne'ebé divulga iha loron-segunda ne'e.


Estudu indika katak apoia rendimentu família sira nian hanesan motivasaun prinsipal ba serbisu infantil, hatudu katak kuaze 17% hosi labarik tomak iha nasaun la frekuenta eskola.

Inkéritu kona-ba Serbisu Infantil iha Timor-Leste iha tinan 2016, estudu dahuluk ne'ebé maka hala'o iha nasaun, lansa hamutuk ho publikasaun hosi inkéritu ki'ik ida kona-ba Forsa Laboral nasional, iha enkontru ida ne'ebé hala'o iha auditóriu hosi Ministériu Finansa nian, iha Díli.

Análize halo hosi ekipa ida hosi Diresaun Jeral hosi Estatístika hosi Ministériu Finansa Timor-Leste nian no hosi Sekretaria Estadu hosi Formasaun Profisional ho Empregu, ho apoiu tékniku hosi Organizasaun Internasional Traballu (OIT) nian.

Tuir estudu, labarik rihun 43 resin maka nunka ba eskola, ho labarik sira iha zona rural sira bele envolve lalais iha serbisu duké labarik sira iha zona urbanu sira.

Sara Brites, ministra interina Finansa nian, subliña ona katak análize kona-ba serbisu infantil "hanesan dalan importante ida ba implementasaun hosi programa sira ho inisiativu governamental sira ne'ebé determina ona iha medida sira", hodi ajuda implementa "sustentável di'ak sira iha futuru".

Brites hatete katak persentajen hosi labarik sira ne'ebé halo serbisu infantil hanesan aas tebes iha grupu entre tinan 13 ho tinan 14, to'o kuaze 21%, destaka dezafiu boot sira ne'ebé problema hamosu iha Governu.

Nia haree katak populasaun infantil ida ne'ebé la frekuenta eskola kondisiona futuru hosi nasaun rasik, nune'e presiza medida sira ne'ebé ajuda hadi'a problema ne'e.

Iha parte seluk, Michiko Miyamoto felisita ona esforsu hosi autoridade timoroan sira iha análize hosi asuntu, hodi subliña katak "rezultadu sira hanesan importante ba evolusaun futuru hosi polítika ho programa própriu sira ne'ebé destina hodi hetan futuru ida lahó serbisu infantil iha nasaun ne'e".

Estudu rona ona família sira iha fatin hamutuk 1.700 resin iha munisípiu timoroan sira, permiti aleinde estudu serbisu infantil lori mós análize maka'as ida kona-ba forsa serbisu rasik, ne'ebé tuir sekretáriu Estadu hosi Formasaun Profisional ho Empregu, Julião da Silva, sei ajuda hametin planeamentu públiku iha área ne'e.

Estudu ne'e, liuliu, permiti estabelese informasaun komparativu sira entre tinan 2010 ho 2016, hatudu katak iha períudu ne'e taxa hosi partisipasaun hosi forsa serbisu nian aumenta ona hosi 24 b 46,9%.

Relasaun hosi traballador ativu sira kompara ho populasaun aumenta hosi 22,1 ba 42%, nível dezempregu aumenta ona hosi 7,8 ba 10,4% iha períudu hosi tinan neen ne'e, nune'e agrikultura ho peska hanesan área sira ho atividade maka'as.

Lusa

 


Comentários

Critério de publicação de comentários