Pájina aktualizada iha 23:04h, domingu 20 Outubru

Air Timor aumenta ligasaun aéreu semanal sira entre Díli ho Kupang

07 de Outubro de 2019, 22:59

Kompañia aéreu AirTimor anunsia iha loron-segunda ne'e katak hahú semana oinmai sei halo semo tolu semana-semana entre kapital rua hosi illa Timor nian, Díli ho Kupang, iha ámbitu hosi parseria ho indonéziu Transnusa.


Empreza esplika ona iha nia pájina Facebook katak hahú loron 16 Outubru sei iha semo entre Díli ho Kupang iha loron-segunda, loron-kuarta ho loron-sesta, aumenta nune'e oferta ba ligasaun ida semana-semana.

Semo entre Díli ho Kupang, agora daudaun halo iha loron-sesta ho loron-segunda, hahú iha fulan-Jullu, iha interese hodi aumenta tanba folin aas sira entre semo sira entre Díli ho Bali.

Ema barak maka hili halo viajen liuhosi Kupang ho folin sira ne'ebé maka kompensa demora ne'ebé kleur.

Transnusa, marka hosi grupu indonéziu PT Transnusa Aviation Mandiri, hanesan kompañia aéreu indonéziu ida ne'ebé halo operasaun iha leste nasaun nian, liuliu iha zona sira hosi Nusa Tenggara ho Sulawesi no ne'ebé nia baze situa iha aeroportu El Tari, iha Kupang, kapital hosi metade indonéziu hosi illa Timor nian.

Empreza lansa iha tinan 2005 no mantén ligasaun sira hahú hosi Kupang ba destinu oioin, ba dala uluk ho aviaun charter sira hosi Pelita Air ho Trigana Air, no hahú hosi 2011 ho nia Sertifikadu hosi Operador Aéreu (AOC) rasik.

Empreza agora daudaun iha konjuntu ida ho aparellu sanulu.

Lusa

 


Comentários

Critério de publicação de comentários