Pájina aktualizada iha 22:36h, domingu 17 Novembru

Guiné-Bissau/Eleisaun: CEDEAO, Uniaun Afrikanu, ONU ho CPLP iha Bissau hodi avalia preparativu ba prezidensial sira

07 de Outubro de 2019, 23:51

Misaun ida ho nível aas hosi Komunidade Ekonómiku hosi Estadu sira Áfrika Osidental nian, ONU, Uniaun Afrikanu ho Komunidade hosi Nasaun sira Lian Portugeza nian hahú iha loron-segunda ne'e kontaktu sira ho autoridade guiniense sira hodi avalia preparativu ba prezidensial sira.


Misaun to'o ona iha loron-domingu loraik iha Bissau no iha loron-segunda ne'e sei halo enkontru oioin ho autoridade polítika guiniense sira, partidu polítika sira ho kandidatu sira ba eleisaun prezidensial sira.

Iha misaun ikus ne'ebé halo ba Guiné-Bissau, iha 10 Setembru, CEDEAO salienta ona katak Governu atual tenki kaer nafatin funsaun sira to'o halo eleisaun prezidensial sira, haktuir ho desizaun sira hosi simeira ikus hosi xefe Estadu sira ho Governu sira hosi organizasaun, no insisti ona iha manutensaun hosi kadernu eleitoral sira ne'ebé uza iha lejislativu sira fulan-Marsu ne'e.

Guiné-Bissau halo eleisaun prezidensial sira iha loron 24 Novembru, no volta daruak, bainhira iha nesesidade, sei halo iha loron 29 Dezembru.

Supremu Tribunal Justisa nian sei anunsia iha loron 15 Outubru lista definitivu hosi kandidatu sira ba prezidensial.

Lusa

 


Comentários

Critério de publicação de comentários