Pájina aktualizada iha 23:08h, domingu 20 Outubru

Rúsia akuza EUA hodi "hahú sunu" norte Síria nian

09 de Outubro de 2019, 19:20

Ministru Negósiu Estranjeiru rusu, Serguei Lavrov, hatete iha loron-kuarta ne'e katak polítika norte-amerikanu ba Síria bele "hahú sunu" rejiaun, hosi refere ba intervensaun militar turku ne'ebé bele akontese.


Kurdu sira hosi noroeste Síria nian, besik iha fronteira ho Turkia, senti "la hakmatek" hafoin anúnsiu norte-amerikanu nian kona-ba hasai tropa sira Estadus Unidus nian, Lavrov hatete hodi hatutan katak situasaun bele "hahú sunu" rejiaun.

"Tenki evita maka'as", hatutan hosi xefe diplomasia Rúsia nian ne'ebé maka vizita hela Kazakistaun.

Maibé, autoridade semiautónomu kurdu sira hosi Síria apela ona "ba mobilizasaun jeral durante loron tolu tuirmai" hasoru ameasa hosi Turkia no insisti populasaun sira hosi noroeste Síria nian hodi "rezisti".

"Ami proklama ona ba estadu mobilizasaun jeral nian durante loron tolu iha noroeste Síria nian", anunsia hosi administrasaun lokal kurdu liuhosi komunikadu ida.

"Ami apela ba ema hotu ne'ebé halo parte hosi ami nia povu hodi diriji ba zona fronteira nian (…) hodi garanti rezisténsia, iha momentu ne'ebé tuir istória hanesan delikadu", hatete hosi dokumentu hanesan hosi autoridade kurdu sira.

Iha domingu, iha kontaktu telefóniku entre xefe estadu turku, Recep Tayyip Erdogan, ho prezidente norte-amerikanu, Donald Trump, Estadus Unidus fó ona lisensa ba ofensiva Turkia nian iha norte Síria nian.

Objetivu turku maka evita atu milísia sira YPG/PYD – ne'ebé Ankara konsidera hanesan extensaun ida hosi guerilla kurdu PKK (Partidu Traballador hosi Kurdistaun) - sei aumenta pozisaun sira iha norte Síria nian besik iha fronteira ho Turkia.

Operasaun militar sentra iha parte leste hosi Eufrates hanesan intervensaun militar datoluk hosi Ankara hasoru milísia kurdu sira iha norte Síria nian dezde tinan 2016.

Iha tempu hanesan prepara lansamentu hosi ofensiva ho nível maka'as turku nian, Estadus Unidus hahú hasai ona soldadu norte-amerikanu sira ne'ebé maka iha prezensa iha zona.

Washington eziji atu Turkia kaer responsabilidade kona-ba membru millaun resin hosi grupu radikal Estadu Islámiku ne'ebé maka kar iha rejiaun.

Lusa

 


Comentários

Critério de publicação de comentários