Pájina aktualizada iha 23:08h, domingu 20 Outubru

Jornal hosi PC Xinés ataka Apple tanba 'app' ne'ebé ajuda manifestante iha Hong Kong

09 de Outubro de 2019, 23:18

Iha loron-kuarta ne'e, Apple sai hanesan empreza resente ne'ebé hetan krítika hosi imprensa ofisial xineza tanba protestu sira iha Hong Kong, tanba permiti iha nia loja aplikasaun ida ne'ebé divulga kordenadu sira polísia nian durante manifestasaun sira.


Diáriu Povu nian, jornal ofisial hosi Partidu Komunista Xinés (PCC), akuza ona 'app' HKmap.live, ne'ebé dezenvolve hosi fornesedor estranjeiru ida ho disponível iha loja eletróniku Apple nian, hodi "fasilita komportamentu ilegal".

Iha editorial, jornal kestiona mós karik empreza boot norte-amerikanu "sai mata-dalan ba bandidu sira Hong Kong nian".

Pekin obriga ona empreza sira hanesan kompañia aéreu Cathay Pacific Airways hosi Hong Kong no liga profisional norte-amerikanu basket nian hodi foti pozisaun pró-governu, iha protestu sira ne'ebé dura ona fulan haat nia laran iha rejiaun semiautónomu Hong Kong.

Iha orijen hosi kontestasaun maka proposta polémika hosi emenda sira ba lei estradisaun nian ne'ebé maka hasai formalmente ona hosi governu Hong Kong nian.

Maibé, manifestante sira eziji nafatin atu Governu hatán ba reklamasaun haat seluk: libertasaun hosi manifestante sira ne'ebé hetan kaer, atu asaun sira protestu nian labele identifika hanesan motin, inkéritu independente ida ba violénsia polisial no, ikusmai, demisaun hosi xefe Governu no hodi halo eleisaun liuhosi votasaun universal ba kargu ne'e no ba Konsellu Lejislativu, parlamentu Hong Kong nian.

HKmap.live permiti atu utilizador sira relata lokalizasaun hosi polísia, uzu hosi gás lakrimojéneu ho detalle sira seluk ne'ebé maka adisiona ba mapa ida ne'ebé atualiza beibeik.

Versaun seluk ida maka disponível mós ba telemóvel sira ne'ebé uza sistema operasional Android, hosi Google.

"Apple tama iha ne'e liuhosi konta rasik no kahur negósiu sira ho polítika ho atividade komersial ho atividade ilegal sira", akuza hosi Diáriu Povu nian.

Jornal alerta ona katak grupu teknolójiku bele prejudika nia reputasaun iha kliente xinés sira.

Iha pasadu, Pekin fó ona korajen ba boikot ba produtu japunés sira ka súl-koreanu sira, durante konflitu ho governu sira hosi nasaun sira ne'e. Autoridade xinés sira kostuma mós uza suspensaun lisensa sira, impostu sira ka investigasaun antimonopóliu.

"Imprudénsia ne'e sei hamosu problema barak ba Apple", afirma hosi Diáriu Povu nian. "Apple presiza reflete maka'as", hatutan.

Lusa

 


Comentários

Critério de publicação de comentários