Pájina aktualizada iha 22:42h, domingu 17 Novembru

Guterres hatete katak dame iha Etiópia alimenta esperansa hosi "estabilidade" iha rejiaun

11 de Outubro de 2019, 23:50

Sekretáriu-jeral ONU nian felisita iha loron-sesta ne'e atribuisaun Nobel Dame nian ba primeiru-ministru etíope, Abiy Ahmed, tanba nia knaar iha rekonsiliasaun Etiópia nian ho viziñu Eritreia, ne'ebé hatete katak alimenta esperansa hosi "estabilidade" iha rejiaun.


Akordu dame entre nasaun rua "loke ona oportunidade sira ba seguransa ho estabilidade iha rejiaun ho lideransa hosi prezidente Ahmed fornese ona ezemplu di'ak ida ba nasaun sira Áfrika nian ho fatin sira seluk ne'ebé buka supera rezisténsia hosi pasadu no tau interese povu nian iha fatin dahuluk", afirma hosi responsável ONU, António Guterres, iha komunikadu, hahú hosi Copenhaga, ne'ebé partisipa iha enkontru ida hosi sidade boot sira kona-ba klima.

Guterres rekorda katak refere beibeik ba "anin esperansa nian ne'ebé huu ho forsa maka'as iha Áfrika" no primeiru-ministru etíope haensan razaun ida ba akontesimentu ne'e.

Líder hosi ONU afirma ona hanesan honradu tanba prezensia asinatura hosi akordu dame entre Etiópia ho Eritreia iha tinan liubá, ne'ebé hakotu ona konflitu ida ne'ebé kleur tebes iha Áfrika.

Tuir Komité Nobel noruegés, prémiu fó ba primeiru-ministru Etiópia tanba "nia serbisu importante hodi promove rekonsiliasaun, solidariedade ho justisa sosial".

"Prémiu hakarak rekoñese mós parte interesadu tomak ne'ebé maka serbisu ba dame ho rekonsiliasaun iha Etiópia ho rejiaun sira leste ho nordeste Áfrika nian", subliña hosi nota.

"Abiy Ahmed Ali hahú ona reforma importante sira ne'ebé proporsiona ba sidadaun barak esperansa hosi moris di'ak ida ho futuru di'ak ida", hatutan hosi komunikadu.

Komité Noruegés Nobel nian fiar katak agroa maka esforsu sira hosi Abiy Ahmed merese rekoñesimentu ho presiza insentivu.

Iha tinan liubá, prémiu ne'e fó ba médiku kongolés Denis Mukwege ho ativista direitu ema nian Nadia Murad tanba esforsu sira hosi premiadu na'in rua hodi hakotu ho violénsia seksual hanesan arma iha konflitu sira ho funu sira iha mundu tomak.

Lusa

 


Comentários

Critério de publicação de comentários